پاکستان الیکٹرانک میڈیا ریگولیٹری اتھارٹی کی طرف سے چیئرمین پی ٹی آئی عمران خان کا نام نہ چلانے پرغیراعلانیہ پابندی کے بعد سوشل میڈیا صارفین نے چیئرمین پی ٹی آئی عمران خان کو مختلف ناموں سے پکارنا شروع کردیا ہے۔
یہ سلسلہ 30 مئی 2023 کو اس وقت شروع ہوا جب الیکٹرانک میڈیا کو ریگولیٹ کرنے والے ادارے پاکستان الیکٹرانک میڈیا ریگولیٹری اتھارٹی (پیمرا) کی جانب سے ایک حکم نامہ تمام اداروں کو بھجوایا گیا، جس میں نفرت انگیز مواد چلانے اور نفرت پھیلانے والوں کی باتوں کو نشر کرنے سے منع کیا گیا ہے، تاہم اس خط میں کسی شخصیت کا نام نہیں لیا گیا۔
سوشل میڈیا صارفین کا کہنا ہے کہ ایسی ہی پابندیاں ماضی میں جب موجودہ حکومت اپوزیشن میں تھی تو ان پر عمران خان نے عائد کی تھیں اور اب عمران خان پر پابندیاں عائد ہورہی ہیں۔ لیکن وہ کہتے ہیں کہ ان سب کا تدارک ہونا چاہیے۔ آزادی اظہار رائے کے لیے یہ پابندیاں نقصان دہ ہیں۔
ان پابندیوں کے تناظر میں تقریباً تمام چینلز عمران خان کی تصاویر، ویڈیوز اور ٹکرز نشر کرنے سے گریز کرتے نظر آ رہے ہیں۔ اس بات کی تصدیق عمران خان نے بھی کی جب انہوں نے گزشتہ دنوں لاہور میں ایک تقریب میں کہا کہ میرا نام نہیں چلا سکتے تو “قاسم کے والد” کہہ دیا کریں۔
عمران خان کے اس بیان کے بعد سے سوشل میڈیا پر “قاسم کے ابا’ کے نام سے ایک ٹرینڈ بھی چل رہا ہے جس میں تحریک انصاف کے حامی عمران خان سے متعلق ٹوئٹس کر رہے ہیں۔
پی ٹی آئی رہنما و سابق مشیر شہباز گل نے اپنے ٹویٹ میں لکھا کہ اس وقت #قاسم کےابا کی مقبولیت کا لیول یہ ہے کہ اگر وہ نواز شریف کو ٹکٹ دیں تو وہ بھی جیت جائے۔
افشاں نامی صارف نے عمران خان کے خطاب کی ویڈیو شیئر کرتے ہوئے لکھا کہ عمران خان کی ٹرولنگ کے لیول کو کوئی نہیں پہنچ سکتا۔
Nobody can beat Murshid’s trolling game 😂👌#قاسم_کے_ابا #عمران_تو_ہوگا pic.twitter.com/vDA9zehKnW
— kaptaan squad- قیدی نمبر 943 (@Kaptaan_squad) June 1, 2023
پی ٹی آئی رہنما فرخ حبیب نے لکھا قاسم اور سلیمان کے والد کی مقبولیت میں عوام میں آئے روز اضافہ ہورہا ہے۔ یہ 70% سے بھی زیادہ ہے ماشااللّہ۔
قاسم اور سلیمان کے والد کی مقبولیت عوام میں آئے روز اضافہ ہورہا ہے یہ 70% سے بھی زیادہ ہے ماشااللّہ pic.twitter.com/tZBGAYoXiw
— Farrukh Habib (@FarrukhHabibISF) June 1, 2023
ایک صارف نے تو ٹویٹر پر اپنا نام ہی بدل کر قاسم کے ابا رکھ لیا۔
ایک خاتون صارف نے قاسم کے ابا کا فین اکاونٹ بنا لیا اور نام بدل کر قاسم کے ابا فین گرل رکھ لیا اور نام بدلتے وقت کا اسکرین شاٹ لے کر ٹویٹ کر دیا۔
