پاکستان سپر لیگ 2026 کے چوتھے میچ میں ملتان سلطانز نے اسلام آباد یونائیٹڈ کو 5 وکٹوں سے شکست دے دی۔ قذافی اسٹیڈیم لاہور میں کھیلے گئے میچ میں ملتان سلطانز نے 172 رنز کا ہدف 18.4 اوورز میں 5 وکٹوں کے نقصان پر حاصل کر لیا۔
یہ بھی پڑھیں: پی ایس ایل 11، پشاور زلمی نے بغیر ففٹی سب سے بڑا ہدف عبور کر کے ریکارڈ قائم کردیا
اسلام آباد یونائیٹڈ نے پہلے بیٹنگ کرتے ہوئے مقررہ 20 اوورز میں 8 وکٹوں کے نقصان پر 171 رنز بنائے۔ ڈیون کونوے 26 اور سمیر منہاس 28 رنز بنا کر نمایاں رہے، جبکہ مارک چیپمین نے جارحانہ انداز اپناتے ہوئے 21 گیندوں پر 40 رنز اسکور کیے۔
فہیم اشرف نے بھی 26 رنز کی مفید اننگز کھیلی۔ ملتان سلطانز کی جانب سے مومن قمر نے عمدہ بولنگ کرتے ہوئے 3 کھلاڑیوں کو آؤٹ کیا، جبکہ محمد وسیم نے 2 وکٹیں حاصل کیں۔
یہ بھی پڑھیں: پی ایس ایل 11: سنسنی خیز مقابلے کے بعد پشاور زلمی نے راولپنڈی پنڈیز کو 5وکٹوں سے شکست دیدی
ہدف کے تعاقب میں ملتان سلطانز کا آغاز اچھا نہ رہا اور صاحبزادہ فرحان صرف 2 رنز بنا کر آؤٹ ہوگئے، تاہم اسٹیون اسمتھ نے 31 رنز کی اننگز کھیل کر ٹیم کو سنبھالا۔ جاش فلپ نے شاندار بیٹنگ کرتے ہوئے 35 گیندوں پر 55 رنز بنائے اور ٹیم کی فتح کی بنیاد رکھی۔
کپتان ایشٹن ٹرنر نے ذمہ دارانہ کھیل پیش کرتے ہوئے ناقابل شکست 43 رنز اسکور کیے، جبکہ عرفات منہاس نے صرف 11 گیندوں پر 25 رنز بنا کر میچ سلطانز کے حق میں کر دیا۔
یہ بھی پڑھیں: پی ایس ایل 11: کراچی کنگز نے سنسنی خیز مقابلے کے بعد کوئٹہ گلیڈی ایٹرز کو شکست دے دی
اسلام آباد یونائیٹڈ کی جانب سے شاداب خان اور سلمان ارشاد نے 2،2 وکٹیں حاصل کیں، تاہم بولرز مطلوبہ ہدف کا دفاع نہ کرسکے۔
اس فتح کے ساتھ ملتان سلطانز نے ایونٹ میں اہم کامیابی حاصل کرتے ہوئے پوائنٹس ٹیبل پر اپنی پوزیشن مستحکم کر لی۔
