امریکی ڈیموکریٹک سینیٹر کوری بُوکر نے پاکستان کے کردار کو سراہتے ہوئے کہا ہے کہ پاکستان مشرقِ وسطیٰ میں امن کے قیام کے لیے اہم کردار ادا کرسکتا ہے۔
نیویارک میں پاکستانی نژاد امریکیوں کی تقریب سے خطاب کرتے ہوئے سینیٹر کوری بُوکر نے پاکستان کی سفارتی اہمیت اور خطے میں امن کے لیے اس کی کوششوں کو مثبت انداز میں اجاگر کیا۔
مزید پڑھیں:شام کے وزیر خارجہ کا دورہ پاکستان مکمل: باہمی تعاون اور تعلقات کو فروغ دینے پر اتفاق
کوری بُوکر کے مطابق پاکستان کی خطے کے مختلف ممالک سے قریبی تعلقات اور سفارتی روابط اسے امن کے لیے مؤثر کردار ادا کرنے کی صلاحیت دیتے ہیں۔
امریکی سینیٹر نے پاکستان اور امریکا کے درمیان تعلقات کی اہمیت پر بھی زور دیا اور دونوں ممالک کے درمیان تعاون کو خطے میں امن، استحکام اور باہمی مفادات کے فروغ کے لیے اہم قرار دیا۔
مزید پڑھیں:پاکستان سمیت 12 ممالک کا شام میں اسرائیلی فضائی حملوں کی شدید مذمت
کوری بُوکر امریکی سینیٹ میں پاکستان کے حوالے سے مختلف معاملات پر بھی رائے کا اظہار کرتے رہے ہیں۔ وہ سینیٹ کی ابراہم ایکارڈز کاکس کے شریک چیئرمین بھی رہ چکے ہیں، جس کا مقصد مشرقِ وسطیٰ میں امن، تعاون اور علاقائی روابط کو فروغ دینا ہے۔
