ہمایوں سعید پاکستانی ٹیلی ویژن اور فلم انڈسٹری کے ممتاز اداکار ہیں، جنہیں اپنے شاندار کام کے لیے ہمیشہ سراہا جاتا رہا ہے۔ ان کی حالیہ فلم لوو گرو نے باکس آفس پر 85 کروڑ روپے کی کمائی کی جبکہ ڈرامہ میں منٹو نہیں ہوں نے بھی ناظرین کی توجہ حاصل کی۔
2020 میں ان کی ٹیلی ویژن سیریز میرے پاس تم ہو نے دنیا بھر میں دھوم مچائی اور قومی و بین الاقوامی ناظرین میں انہیں خاص شہرت دلائی، جس نے ہمایوں سعید کو موجودہ دور کے ٹی وی اسٹار کے طور پر دوبارہ متعارف کرایا۔
ریشم کے تجربات ہمایوں سعید کے ساتھ
معروف اداکارہ ریشم نے حال ہی میں بتایا کہ میرے پاس تم ہو کی کامیابی کے بعد ہمایوں سعید کے ساتھ ان کا تجربہ بہت یادگار رہا۔
انہوں نے بتایا کہ ہمایوں سعید لاہور آئے، تو کئی لوگوں نے انہیں اپنے گھروں میں مدعو کیا۔
ریشم کہتی ہیں کہ میں نے ہمایوں سعید کو کہاکہ اگر آپ مجھے عزت دیتے ہیں تو مجھے ضرور ملیں، کیونکہ میری بھانجی آپ کی بڑی فین ہے، پھر وہ آئے، اسے گلے لگایا اور ہماری بھانجی بہت خوش ہوئی۔
اداکارہ نے مزید کہاکہ ہمایوں سعید کو اپنی کامیابی پر یقین نہیں آرہا تھا، وہ اتنے بے چین تھے کہ سمجھ نہیں پا رہے تھے کہ کیا کریں، پھر میں نے پوچھا کہ کیا وہ انٹرویو دیں گے تو انہوں نہ کہاکہ کیا کہوں؟
ریشم نے ہمایوں سعید کی عاجزی، شائستگی اور ناظرین کے ساتھ ان کے دوستانہ رویے کی تعریف کی اور بتایا کہ اتنی بڑی کامیابی کے باوجود وہ اپنے کردار میں سنجیدہ رہے۔
