نائب وزیراعظم و وزیر خارجہ سینیٹر اسحاق ڈار سے مصر کے وزیر خارجہ ڈاکٹر بدر عبدالعاطی اور ترکیہ کے وزیر خارجہ حاقان فیدان کی ملاقات ہوئی ہے، جس میں خطے کی صورت حال پر تبادلہ خیال کیا گیا۔
ترجمان دفتر خارجہ کے مطابق نائب وزیراعظم نے مصری وزیر خارجہ کا دفتر خارجہ آمد پر پرتپاک استقبال کیا اور کہاکہ پاکستان مصر کے ساتھ دیرینہ اور بھائی چارے پر مبنی تعلقات کو بہت اہمیت دیتا ہے، جو مشترکہ تاریخ، مذہب اور خطے و عالمی امور پر ہم آہنگی پر قائم ہیں۔
Deputy Prime Minister/Foreign Minister, Senator Mohammad Ishaq Dar and His Excellency Dr. Badr Abdelatty, Foreign Minister of the Arab Republic of Egypt, held productive discussions on Pakistan-Egypt bilateral relations, reaffirming their commitment to further strengthening ties,… pic.twitter.com/FYHTSpvL1d
— Ministry of Foreign Affairs – Pakistan (@ForeignOfficePk) March 29, 2026
مزید پڑھیں: مشرق وسطیٰ کشیدگی: مسلم امہ کے 4 بڑوں کی اسلام آباد میں آج اہم بیٹھک
ملاقات میں دونوں جانب سے دوطرفہ تعلقات کا مکمل جائزہ لیا گیا اور گزشتہ اعلیٰ سطحی رابطوں، بشمول نومبر 2025 میں مصر کے وزیر خارجہ کے دورہ پاکستان، کے مثبت اثرات پر اطمینان کا اظہار کیا گیا۔
دونوں رہنماؤں نے تعاون کو تمام شعبوں میں مزید فروغ دینے کے عزم کا اعادہ کیا۔
تجارتی، اقتصادی اور صحت کے شعبوں میں تعاون
دونوں وزرا نے دوطرفہ تجارت اور سرمایہ کاری میں اضافے کی ضرورت پر زور دیا۔ اس ضمن میں دوطرفہ طریقۂ کار کو فعال بنانے، مشترکہ وزارتی کمیشن اور کاروباری اداروں کے مابین روابط کو فروغ دینے کی اہمیت پر اتفاق کیا گیا۔
نائب وزیراعظم اسحاق ڈار نے ہیپاٹائٹس سی کے خلاف صحت کے شعبے میں مصر کی جاری حمایت کی تعریف کی اور اس تعاون کو خوش آئند قرار دیا۔
دفاع، سیکیورٹی اور علاقائی امور
دونوں فریقین نے دفاع اور سیکیورٹی تعاون میں موجودہ مثبت پیش رفت پر اطمینان ظاہر کیا اور تربیتی تبادلوں اور دیگر ادارہ جاتی میکنزم کے ذریعے تعاون کو مزید مضبوط کرنے پر اتفاق کیا۔
انہوں نے خطے اور عالمی سطح پر جاری حالات، خاص طور پر مشرق وسطیٰ کی صورتحال پر بھی تبادلہ خیال کیا اور زور دیا کہ تنازعات کو بات چیت اور سفارتکاری کے ذریعے حل کیا جائے۔
نائب وزیراعظم اسحاق ڈار نے فلسطینی عوام کے لیے پاکستان کی بھرپور حمایت کا اعادہ کیا اور اسرائیلی فوج کی غزہ اور مغربی کنارے میں جاری جارحیت کی سخت مذمت کی۔
انہوں نے غزہ میں انسانی ہمدردی کی امداد فراہم کرنے میں مصر کے کردار کی بھی تعریف کی، جس میں پاکستان کی امدادی کوششوں میں تعاون شامل ہے۔
کثیر الجہتی تعاون اور مستقبل کے اقدامات
دونوں ممالک نے اقوام متحدہ اور او آئی سی سمیت کثیر الجہتی فورمز پر قریبی ہم آہنگی جاری رکھنے پر اتفاق کیا۔
ملاقات نے پاکستان اور مصر کے قریبی اور بھائی چارے پر مبنی تعلقات کو مزید مضبوط بنانے اور باہمی دلچسپی کے تمام شعبوں میں تعاون کو فروغ دینے کے مشترکہ عزم کو دہرایا گیا۔
ترجمان دفتر خارجہ کے مطابق یہ ملاقات حالیہ اعلیٰ سطحی رابطوں بشمول 19 مارچ 2026 کو ریاض میں ہونے والی بات چیت کی پیشرفت کے طور پر ہوئی اور یہ خطے میں بڑھتی ہوئی پیش رفت پر پاکستان اور مصر کے قریبی تعاون کی عکاسی کرتی ہے۔
بعد ازاں ترکیہ کے وزیر خارجہ دفتر خارجہ پہنچے جہاں وزیر خارجہ اسحاق ڈار نے ان کا استقبال کیا۔
FM of Türkiye Hakan Fidan @HakanFidan arrived at MoFA Islamabad today and was received by the Deputy Prime Minister/Foreign Minister Muhammad Ishaq Dar @MIshaqDar50. The two leaders will hold bilateral consultations on all issues of mutual interest including regional… pic.twitter.com/ylrXFYSaqQ
— Ministry of Foreign Affairs – Pakistan (@ForeignOfficePk) March 29, 2026
پاکستان اور ترکیہ کے وزرائے خارجہ کی ملاقات، دوطرفہ تعلقات مزید مضبوط بنانے پر اتفاق
ترجمان دفتر خارجہ کے مطابق ترکیہ کے وزیر خارجہ ہاکان فیدان پاکستان کے دورے پر ہیں، جہاں وہ خطے کی بدلتی صورتحال اور کشیدگی میں کمی کے لیے جاری سفارتی کوششوں پر مشاورت کر رہے ہیں۔
دوطرفہ تعلقات اور اسٹریٹجک شراکت داری
ملاقات کے دوران نائب وزیراعظم و وزیر خارجہ نے پاکستان اور ترکیہ کے درمیان تاریخی، برادرانہ تعلقات کو اجاگر کیا جو مشترکہ تاریخ، ثقافت اور باہمی احترام پر مبنی ہیں۔
انہوں نے دوطرفہ تعلقات میں مثبت پیش رفت پر اطمینان کا اظہار کرتے ہوئے ہر شعبے میں تعاون کو مزید وسعت دینے کے عزم کا اعادہ کیا۔
دونوں رہنماؤں نے باہمی تعلقات کے تمام پہلوؤں کا جائزہ لیا اور اسٹریٹجک شراکت داری کو مزید مضبوط بنانے کے امکانات پر غور کیا۔
خطے کی صورتحال اور امن پر زور
دونوں رہنماؤں نے ایران سمیت خطے میں حالیہ پیش رفت پر تبادلہ خیال کیا اور اس بات پر زور دیا کہ امن و استحکام کے لیے مکالمہ اور مسلسل سفارتی روابط ناگزیر ہیں۔
مزید پڑھیں: مشرق وسطیٰ کشیدگی: اقوام متحدہ پاکستانی کی سفارتی کوششوں کا معترف
باہمی حمایت اور تعاون جاری رکھنے کا عزم
پاکستان اور ترکیہ نے ایک دوسرے کے بنیادی قومی مفادات کی مکمل حمایت کا اعادہ کیا اور اسٹریٹجک شراکت داری کو مزید گہرا کرنے کے لیے قریبی رابطے برقرار رکھنے پر اتفاق کیا۔
