انڈین پریمیئر لیگ 2026 میں سن رائزرز حیدرآباد کے کھلاڑی ابھیشیک شرما کو ضابطہ اخلاق کی خلاف ورزی پر سزا دے دی گئی۔
میڈیا رپورٹس کے مطابق بھارتی کرکٹ بورڈ (بی سی سی آئی) نے ابھیشیک شرما کو میچ فیس کا 25 فیصد جرمانہ عائد کرنے کے ساتھ ایک ڈی میرٹ پوائنٹ بھی دے دیا ہے۔
یہ بھی پڑھیے: کیا انجری کے بعد ہارڈک پانڈیا اور ابھیشیک شرما پاکستان کیخلاف کھیل سکیں گے؟ باؤلنگ کوچ نے بتا دیا
یہ واقعہ کولکتہ نائٹ رائیڈرز کے خلاف میچ کے دوران پیش آیا، جہاں کھلاڑی نے میدان میں نامناسب زبان استعمال کی، جو اسٹیڈیم میں موجود تماشائیوں اور نشریات کے ذریعے بھی سنی جا سکتی تھی۔
رپورٹس کے مطابق یہ خلاف ورزی آئی پی ایل کے ضابطہ اخلاق کی شق 2.3 کے تحت آتی ہے، جس میں ایسی زبان یا رویے پر پابندی عائد ہے جو توہین آمیز یا غیر مناسب ہو۔
رپورٹس کے مطابق ابھیشیک شرما نے اپنی غلطی تسلیم کر لی، جس کے بعد میچ ریفری کی جانب سے دی گئی سزا کو حتمی قرار دیا گیا۔
واضح رہے کہ مذکورہ میچ میں ابھیشیک شرما نے عمدہ بیٹنگ کا مظاہرہ کرتے ہوئے 21 گیندوں پر 48 رنز بنائے، تاہم ان کی کارکردگی کے باوجود ضابطہ اخلاق کی خلاف ورزی نے ان کی کارکردگی کو پس منظر میں دھکیل دیا۔
یہ بھی پڑھیے: ایشیا کپ: پاک بھارت میچ کے دوران حارث رؤف اور ابھیشیک شرما کے درمیان تلخ کلامی
آئی پی ایل قوانین کے مطابق اس نوعیت کی خلاف ورزیوں پر جرمانہ اور ڈی میرٹ پوائنٹس دیے جاتے ہیں، جبکہ بار بار خلاف ورزی کی صورت میں معطلی بھی ہو سکتی ہے۔
