اسلام آباد ہائیکورٹ نے راولپنڈی کی حدود سے آٹے کے 2 ٹرک تحویل میں لے کر سیل کرنے کے خلاف کیس میں فوڈ کنٹرولر اسلام آباد کے اختیارات پر شدید برہمی کا اظہار کرتے ہوئے 9 اپریل کو تفصیلی رپورٹ طلب کرلی۔
مزید پڑھیں: عمران خان کو وکیل سے ملاقات کی اجازت دی جائے، اسلام آباد ہائیکورٹ میں درخواست
سماعت کے دوران عدالت نے ریمارکس دیے کہ راولپنڈی کے دائرہ اختیار میں کارروائی کیسے کی گئی اور کس قانون کے تحت جرمانے عائد کیے گئے۔ جسٹس راجا انعام امین منہاس نے کہا کہ اختیارات سے تجاوز کرکے کارروائی کرنا ناقابل قبول ہے۔
عدالت نے ڈی سی اسلام آباد کی عدم پیشی پر بھی اظہارِ برہمی کیا اور ہدایت کی کہ متعلقہ گزٹ نوٹیفکیشن اور قانونی جواز پیش کیا جائے۔
مزید پڑھیں: عمران خان کی صحت سے متعلق اسلام آباد ہائیکورٹ کے فیصلے پر پی ٹی آئی کا ردعمل
درخواست گزار کی جانب سے راجا علیم عباسی جبکہ سرکاری وکیل عبد الرحمن عدالت میں پیش ہوئے۔ سماعت 9 اپریل تک ملتوی کر دی گئی۔
