ڈیڈ لائن تک معاہدہ نہ ہوا تو ایران پر بڑے حملے کیے جائیں گے، ڈونلڈ ٹرمپ نے پھر دھمکی دیدی

امریکی صدر ڈونلڈ ٹرمپ نے خبردار کیا ہے کہ اگر مقررہ وقت تک معاہدہ نہ ہو سکا تو ایران کے خلاف بڑے حملے کیے جائیں گے۔

مزید پڑھیں: آج رات ایک تہذیب ختم ہو سکتی ہے، ٹرمپ کا ایران کو آخری انتباہ

ایک امریکی نیوز چینل کو ٹیلی فونک انٹرویو میں انہوں نے کہاکہ ایران پر ایسا حملہ کیا جا سکتا ہے جیسا اس نے پہلے کبھی نہیں دیکھا ہوگا۔

ان کے مطابق ایران سے متعلق معاملات پر طے شدہ منصوبہ بندی کے تحت پیش رفت جاری ہے۔

ڈونلڈ ٹرمپ نے مزید کہاکہ رات 8 بجے تک صورتحال واضح ہو جائے گی، انہوں نے عندیہ دیا کہ اگر مذاکرات میں مثبت پیشرفت ہوئی تو حالات بدل سکتے ہیں۔

اس سے قبل بھی امریکی صدر نے سخت بیان دیتے ہوئے کہا تھا کہ آج رات ایران کی تہذیب مکمل طور پر ختم ہو سکتی ہے، اگرچہ وہ ایسا نہیں چاہتے لیکن اس کا امکان موجود ہے۔

اپنے ایک اور بیان میں ڈونلڈ ٹرمپ نے دعویٰ کیاکہ ایران میں رجیم چینج ہو چکی ہے اور موجودہ قیادت پہلے سے مختلف، زیادہ سمجھدار اور کم شدت پسند ہے۔

مزید پڑھیں: سلامتی کونسل: آبنائے ہرمز کھلوانے سے متعلق بحرین کی قرارداد کو روس اور چین نے ویٹو کردیا

واضح رہے کہ امریکا، اسرائیل اور ایران کے درمیان کشیدگی بدستور جاری ہے، جبکہ پاکستان، ترکیہ اور مصر سمیت دیگر ممالک کشیدگی کے خاتمے کے لیے کردار ادا کررہے ہیں۔