وزیراعظم پاکستان شہباز شریف سعودی عرب اور قطر کا دورہ مکمل کرکے ترکیہ پہنچ گئے۔
انطالیہ ایئرپورٹ پر گورنر ہلوسی شاہین نے وزیراعظم اور پاکستانی وفد کا پرتپاک استقبال کیا۔ اس موقع پر ترکیہ میں پاکستان کے سفیر یوسف جنید سمیت اعلیٰ سفارتی حکام بھی موجود تھے۔
انطالیہ: 16 اپریل 2026.
وزیرِ اعظم محمد شہباز شریف اپنے دورہءِ ترکیہ پر انطالیہ پہنچ گئے.
انطالیہ کے گورنر ہلوسی شاہین (Hulusi Şahin) نے ہوائی اڈے پر وزیرِ اعظم و پاکستانی وفد کا پرتپاک استقبال کیا. اس موقع پر پاکستان کے ترکیہ میں سفیر یوسف جنید اور اعلی سفارتی اہلکار بھی… pic.twitter.com/H60djTIBYO
— Prime Minister’s Office (@PakPMO) April 16, 2026
وزیراعظم شہباز شریف کل انطالیہ ڈپلومیسی فورم کے پانچویں ایڈیشن میں شرکت کریں گے، جہاں وہ لیڈرز پینل میں پاکستان کا مؤقف پیش کریں گے۔
دورے کے دوران وزیراعظم کی ترک صدر رجب طیب اردوان سمیت دیگر عالمی رہنماؤں سے دوطرفہ ملاقاتوں کا بھی امکان ہے۔
اس موقع پر نائب وزیراعظم و وزیر خارجہ اسحاق ڈار، وزیر اطلاعات عطاء اللہ تارڑ، معاون خصوصی طارق فاطمی اور وزیراعظم کے ترجمان برائے بین الاقوامی میڈیا مشاہد زیدی بھی وفد میں شامل ہیں۔
