پاکستان تحریک انصاف (پی ٹی آئی) کے چیئرمین بیرسٹر گوہر نے کہا ہے کہ امریکا اور ایران کے درمیان کشیدگی کے خاتمے میں کردار ادا کرنا پاکستان کے لیے باعثِ فخر ہے۔
فیصل آباد میں میڈیا سے گفتگو کرتے ہوئے انہوں نے کہا کہ سیاسی اختلافات کو ذاتی دشمنی میں تبدیل نہیں کرنا چاہیے۔
چیئرمین پی ٹی آئی کا مزید کہنا تھا کہ ان کی جماعت نے احتجاجی سیاست ترک نہیں کی۔
واضح رہے کہ چیئرمین پی ٹی آئی بیرسٹر گوہر اس سے قبل بھی امریکا اور ایران کے درمیان تنازع کے حل کے لیے پاکستان کی سفارتکاری کی تعریف کر چکے ہیں، تاہم دیگر پی ٹی آئی رہنما قومی قیادت کو یہ کریڈٹ نہیں دینا چاہتے۔
امریکا اور ایران کے درمیان کشیدگی کے خاتمے کے لیے پاکستان کی سفارتکاری کو عالمی سطح پر سراہا جارہا ہے۔
امریکی صدر ڈونلڈ ٹرمپ نے آج ایک بار پھر تنازع کے حل کے لیے وزیراعظم پاکستان شہباز شریف اور فیلڈ مارشل عاصم منیر کی کوششوں کی تعریف کی ہے۔
