پاکستان کی معروف اداکارہ نمرہ خان نے اپنی دوسری شادی کا اعلان کر دیا ہے۔ اداکارہ نے سوشل میڈیا پلیٹ فارم انسٹاگرام پر اپنے نکاح کی خوشخبری مداحوں کے ساتھ شیئر کی جس کے بعد مداحوں اور شوبز شخصیات کی جانب سے مبارکبادوں کا سلسلہ جاری ہے۔
نمرہ خان نے اپنی شادی کی ایک تصویر شیئر کی جس میں انہوں نے اپنے شوہر کی شناخت ظاہر نہیں کی اور چہرہ چھپایا ہوا ہے۔ انہوں نے تصویر کے ساتھ ایک جذباتی پیغام بھی تحریر کیا جس میں کہا گیا کہ یہ کہانی اللہ نے بہت پہلے لکھ دی تھی۔ آج اس کا آغاز ہے، آگے اور بھی بہت کچھ ہے۔ ایک خوبصورت شروعات، اللہ کی برکت کے ساتھ۔
View this post on Instagram
اداکارہ نے پیرس میں واقع ایفل ٹاور کے سامنے لی گئی ایک تصویر بھی شیئر کی جس میں انہوں نے لکھا ’اللہ نے ہماری کہانی ہماری ملاقات سے بہت پہلے لکھ دی تھی آج ہم نے اسے جینا شروع کیا ہے‘۔
یاد رہے کہ نمرہ خان پاکستانی ڈرامہ انڈسٹری کی ایک معروف اداکارہ ہیں جو اے مشتِ خاک، احرامِ جنون، اُڑان، خوب سیرت، باغی اور امِ عائشہ جیسے مقبول ڈراموں میں اپنی اداکاری کے جوہر دکھا چکی ہیں۔
