ایران ڈیل کے قریب ہیں، مگر جلد بازی نقصان دہ ہوگی، صدر ٹرمپ کا فوکس نیوز کو انٹرویو میں دعویٰ

امریکی صدر ڈونلڈ ٹرمپ نے فوکس نیوز کو دیے گئے ایک انٹرویو میں دعویٰ کیا ہے کہ امریکا اور ایران کے درمیان ایک “بہت اچھے معاہدے” کے قریب پہنچا جا رہا ہے، تاہم انہوں نے واضح کیا کہ اگر مطلوبہ نتائج حاصل نہ ہوئے تو واشنگٹن مختلف راستہ اختیار کرے گا۔ دوسری جانب ایران نے کہا ہے کہ مذاکرات جاری ہیں لیکن کوئی حتمی سمجھوتہ تاحال طے نہیں پایا۔

.@POTUS on @ufc @Freedom250 at the White House: "I've never seen anything like it… it's going to be something that's going to be very exciting." pic.twitter.com/wYdOtvzsi3

— Rapid Response 47 (@RapidResponse47) May 31, 2026

بین الاقوامی میڈیا رپورٹس کے مطابق فوکس نیوز کو دیے گئے انٹرویو میں امریکی صدر ڈونلڈ ٹرمپ نے کہا کہ امریکا ایران کے ساتھ ایک “بہت اچھے معاہدے” کے قریب ہے۔ ان کے مطابق اگر جلد بازی کی گئی تو اچھا معاہدہ ممکن نہیں ہوگا، تاہم بتدریج امریکا وہ نتائج حاصل کر رہا ہے جو وہ چاہتا ہے۔

ٹرمپ نے انٹرویو میں کہا کہ اگر آپ جلدی کریں گے تو اچھا معاہدہ نہیں ہوگا، ہم آہستہ آہستہ وہ حاصل کر رہے ہیں جو ہم چاہتے ہیں، اور اگر ہمیں مطلوبہ نتائج نہ ملے تو ہم معاملہ مختلف طریقے سے ختم کریں گے۔

یہ بھی پڑھیں:آپریشن معرکۂ حق کے بعد پاکستان کی بڑھتی ہوئی سفارتی اہمیت، ایران امریکا بالواسطہ مذاکرات اور پاکستانی سفارت کاری کا مستقبل

دوسری جانب امریکی انتظامیہ اور ایرانی حکام کے درمیان جاری سفارتی رابطوں کے باوجود کسی حتمی معاہدے کی تصدیق نہیں ہو سکی۔ ایرانی وزارت خارجہ کے ترجمان اسماعیل بقائی نے کہا ہے کہ تہران اور واشنگٹن کے درمیان بات چیت جاری ہے لیکن ابھی کوئی حتمی معاہدہ طے نہیں پایا۔

ایرانی مذاکراتی ٹیم کے سربراہ محمد باقر قالیباف نے بھی مؤقف اختیار کیا کہ ایران کسی بھی سمجھوتے میں الفاظ کے بجائے عملی اقدامات کو ترجیح دے گا اور واشنگٹن کی جانب سے ٹھوس پیش رفت کے بغیر کوئی نیا قدم نہیں اٹھایا جائے گا۔

.@POTUS on beautification projects in D.C., such as the Triumphal arch, and the Reflecting Pool:

"That's going to be very much like the Arc de Triomphe in Paris, except a larger version."

"I want to open [the Reflecting Pool] before July 4th." pic.twitter.com/FxLg4qGQq5

— Rapid Response 47 (@RapidResponse47) May 31, 2026

علاقائی سطح پر کشیدگی بدستور برقرار ہے۔ امریکی سینٹرل کمانڈ (سینٹ کام) نے مشرق وسطیٰ میں اپنی موجودگی کو “متحرک اور چوکس” قرار دیا ہے، جبکہ امریکی وزیر دفاع نے اتحادی ممالک پر دفاعی اخراجات بڑھانے پر زور دیا ہے اور ایران کے جوہری پروگرام کے خلاف امریکی عزم کو دہرایا ہے۔

ادھر اسرائیلی وزیر اعظم بنیامین نیتن یاہو نے دعویٰ کیا ہے کہ اسرائیلی افواج نے جنوبی لبنان میں دریائے لیتانی کے شمال تک پیش قدمی کی ہے، جس سے خطے میں کشیدگی مزید بڑھ گئی ہے۔ اسرائیلی فوج کے مطابق سرحدی علاقوں میں حملوں اور جوابی کارروائیوں کا سلسلہ بھی جاری ہے، تاہم کسی بڑے جانی نقصان کی تصدیق نہیں ہوئی۔

تجزیہ کاروں کے مطابق امریکا اور ایران کے درمیان ممکنہ معاہدہ خطے کی سیاست پر اہم اثرات ڈال سکتا ہے، تاہم موجودہ صورتحال میں مذاکرات ابھی حتمی مرحلے میں داخل نہیں ہوئے اور فریقین محتاط انداز میں آگے بڑھ رہے ہیں۔