نائب وزیراعظم و وزیر خارجہ سینیٹر محمد اسحاق ڈار اور ناروے کے وزیر خارجہ اسپن بارتھ ایدے کے درمیان وفود کی سطح پر مذاکرات اسلام آباد میں ہوئے۔
دفتر خارجہ کے مطابق مذاکرات میں تجارت، سرمایہ کاری، موسمیاتی تبدیلی، بحری امور اور تعلیم سمیت مختلف شعبوں میں دوطرفہ تعاون کا جائزہ لیا گیا۔
مزید پڑھیں:ناروے کے وزیر خارجہ اسپن بارتھ ایدے پاکستان پہنچ گئے
دونوں جانب سے ناروے میں مقیم پاکستانی کمیونٹی کے اہم کردار کو سراہتے ہوئے عوامی روابط مزید مضبوط بنانے پر اتفاق کیا گیا۔
فریقین نے پاکستان اور ناروے کے درمیان دوستانہ اور خوشگوار تعلقات پر اطمینان کا اظہار کرتے ہوئے باہمی دلچسپی کے شعبوں میں تعاون مزید گہرا کرنے کے عزم کا اعادہ کیا۔
Deputy Prime Minister/Foreign Minister Senator Mohammad Ishaq Dar @MIshaqDar50 and H.E. Mr. Espen Barth Eide @EspenBarthEide, Minister of Foreign Affairs of the Kingdom of Norway, led delegation-level talks at the Ministry of Foreign Affairs.
Both sides reviewed the whole gamut… pic.twitter.com/2yrfD8Lm0b
— Ministry of Foreign Affairs – Pakistan (@ForeignOfficePk) August 13, 2026
مذاکرات میں باہمی دلچسپی کے علاقائی اور عالمی امور پر بھی تفصیلی تبادلہ خیال کیا گیا۔
مزید پڑھیں:فیفا ورلڈ کپ: کوارٹر فائنل مرحلہ مکمل، مراکش، ناروے اور سوئٹزرلینڈ کی شاندار پیش قدمی
ناروے کے وزیر خارجہ نے حالیہ ایران امریکا تنازع کے دوران پاکستان کے اہم اور تعمیری کردار کو سراہا۔ انہوں نے وزیراعظم محمد شہباز شریف، نائب وزیراعظم و وزیر خارجہ سینیٹر محمد اسحاق ڈار اور فیلڈ مارشل سید عاصم منیر کی قیادت اور کردار کی بھی تعریف کی۔
