کینیڈا کے شہر ایڈمنٹن میں ایک گوردوارے پر حملے کے نتیجے میں مذہبی پیشوا سمیت 2 افراد زخمی ہوگئے، جبکہ پولیس نے حملے میں ملوث مبینہ ملزم کو گرفتار کرلیا۔
کینیڈین پولیس کے مطابق واقعہ ایڈمنٹن کے ایک گوردوارے میں پیش آیا جہاں حملہ آور نے پہلے ایک مذہبی پیشوا کو نشانہ بنایا اور اس کے بعد ایک بزرگ رضاکار پر حملہ کیا۔ دونوں زخمیوں کی عمریں 75 اور 51 سال بتائی گئی ہیں اور پولیس کے مطابق ان کی حالت خطرے سے باہر ہے۔
Canada Gurdwara Attack
BREAKING || Two men were stabbed at the Nanaksar Gurdwara in Canada after a man allegedly entered the premises.
The 27-year-old suspect allegedly attacked the men with a screwdriver and has been arrested.
Canadian PM Mark Carney condemned the incident,… pic.twitter.com/YkYWBRHCZa
— TIMES NOW (@TimesNow) August 22, 2026
پولیس کا کہنا ہے کہ واقعے کی تحقیقات جاری ہیں جبکہ ہیٹ کرائمز یونٹ بھی تفتیش میں شامل ہے۔ حکام اس بات کا جائزہ لے رہے ہیں کہ حملے کے پس پردہ مذہبی یا نفرت پر مبنی محرکات کارفرما تھے یا نہیں۔
گوردوارہ انتظامیہ کے مطابق حملے کے بعد وہاں موجود افراد میں تشویش پھیل گئی، تاہم پولیس کی فوری کارروائی کے نتیجے میں مشتبہ حملہ آور کو گرفتار کرلیا گیا۔
یہ بھی پڑھیں:کینیڈا میں سکھ رہنماؤں کا قتل، بھارت کی ریاستی دہشتگردی کے شواہد بے نقاب
کینیڈا میں سکھ برادری کے مذہبی مراکز کے تحفظ کا معاملہ اس سے قبل بھی توجہ کا مرکز بنتا رہا ہے۔ حکام کا کہنا ہے کہ واقعے کی مکمل تحقیقات کے بعد ہی حملے کی نوعیت اور محرکات کے بارے میں حتمی رائے قائم کی جاسکے گی۔
