مری کے علاقے لوئر باڑیاں کے نواحی علاقے ٹائیں میں کلکوٹ کے مقام پر مسافر بس حادثے کا شکار ہوکر گہری کھائی میں جاگری، جس کے نتیجے میں 5 افراد جاں بحق اور 15 شدید زخمی ہوگئے۔
یہ بھی پڑھیں: اسلام آباد میں اسلامی یونیورسٹی کی بس کا بریک فیل، حادثے میں متعدد گاڑیاں ٹکرا گئیں
حادثے کے وقت بس میں 25 سے 30 مسافر سوار تھے اور بس راولپنڈی سے کلکوٹ جارہی تھی۔
اطلاع ملتے ہی ریسکیو ٹیمیں موقع پر پہنچ گئیں، جبکہ حادثے کی نوعیت کے پیش نظر اضافی امدادی نفری اور وسائل بھی روانہ کیے گئے۔ مقامی افراد نے بھی امدادی کارروائیوں میں حصہ لیتے ہوئے زخمیوں کو بس سے نکالا۔
یہ بھی پڑھیں:ہری پور: باراتیوں سے بھری بس حادثہ کا شکار، کمسن بچی سمیت 5 خواتین جاں بحق
تمام زخمیوں کو طبی امداد کے لیے تحصیل ہیڈکوارٹرز اسپتال مری منتقل کردیا گیا، جبکہ سول اسپتال اور ٹی ایچ کیو اسپتال مری کو ہنگامی صورتحال کے پیش نظر الرٹ کردیا گیا ہے۔
حکام کے مطابق اسپتال کے عملے کو بھی ہنگامی صورتحال سے نمٹنے کے لیے تیار رہنے کی ہدایت کی گئی ہے۔
