وفاقی دارالحکومت اسلام آباد میں شدید بارش کے باعث ای الیون سمیت مختلف علاقوں میں صورتحال متاثر ہوئی ہے، جہاں چند ہی منٹ میں 150 ملی میٹر بارش ریکارڈ ہونے کے بعد نالہ اوور فلو ہوگیا اور پانی سڑک پر آگیا۔
ضلعی انتظامیہ کے مطابق ای الیون میں نالے کا پانی سڑک پر آنے کے باعث ٹریفک کی روانی متاثر ہوئی، جبکہ ضلعی انتظامیہ کی جانب سے پہلے سے سیل کی گئی چند بیسمنٹس میں بھی پانی داخل ہوگیا۔
مزید پڑھیں:
ڈپٹی کمشنر اسلام آباد کی زیر نگرانی متاثرہ علاقوں میں ڈی واٹرنگ کا عمل تیزی سے جاری ہے اور پانی کی نکاسی کے لیے متعلقہ ادارے متحرک ہیں۔
اسلام آباد کے سیکٹر I-8 میں بارش کے پانی میں متعدد گاڑیاں ڈوب گئیں۔ 🌧️📷 #Islamabad@awaisReporter @awaheedmurad @AsadAToor pic.twitter.com/j40Bc345ji
— Media Talk (@mediatalk922) September 1, 2026
دوسری جانب ڈی 12/2 میں حفاظتی دیوار گرنے کے بعد امدادی کارروائیاں بھی جاری ہیں۔ انتظامیہ کے مطابق واقعے میں کسی قسم کا جانی یا مالی نقصان نہیں ہوا۔
مزید پڑھیں:
شدید بارش کے باعث ایکسپریس ہائی وے سمیت اسلام آباد کی متعدد شاہراہوں پر پانی کے بہاؤ کی وجہ سے ٹریفک کی روانی سست روی کا شکار ہے۔ ٹریفک پولیس اہلکار موقع پر موجود ہیں اور ٹریفک کی روانی برقرار رکھنے کے لیے اقدامات کیے جارہے ہیں۔
انتظامیہ نے شہریوں کو غیر ضروری سفر سے گریز کرنے اور نشیبی علاقوں، برساتی نالوں اور پانی جمع ہونے والے مقامات سے دور رہنے کی ہدایت کی ہے۔
