پاکستان کے اہم ثقافتی و تاریخی مرکز لاہور کو شنگھائی تعاون تنظیم کا سیاحتی اور ثقافتی دارالحکومت برائے 2026-27 نامزد کر دیا گیا۔
یہ بھی پڑھیں: پاکستان میں 2027 کے ایس سی او اجلاس کی تیاریاں، اسحاق ڈار کی بروقت انتظامات مکمل کرنے کی ہدایت
اس فیصلے کا باضابطہ اعلان کرغزستان کے دارالحکومت بیشکیک میں منعقدہ ایس سی او کونسل آف ہیڈز آف اسٹیٹ کے 26 ویں اجلاس کے دوران کیا گیا جس میں وزیراعظم شہباز شریف نے شرکت کی۔
Lahore has been designated the SCO Tourism and Cultural Capital for 2026–27, recognising the city’s rich heritage, vibrant culture and historic significance while promoting tourism and people-to-people ties among SCO member states.#Lahore #SCOTourism #CulturalCapital… pic.twitter.com/JhzTFQlY7y
— Pakistan TV (@PakTVGlobal) September 2, 2026
اس عالمی اعزاز سے بین الاقوامی سطح پر لاہور کی تاریخی اہمیت اور سیاحت کو ایک نیا فروغ ملے گا۔
فیصلے کے اہم نکات اور بین الاقوامی پس منظر
اس سال پاکستان ایس سی او کی صدارت سنبھال رہا ہے جس کا تھیم وزیراعظم شہباز شریف کے مطابق ’وژن کو عمل میں بدلنا: ربط، جدت اور مشترکہ خوشحالی‘ ہے۔
مزید پڑھیے: لاہور پھر رنگوں سے جگمگائے گا، مریم نواز نے بسنت 2027 کا اعلان کردیا
لاہور اس فہرست میں بھارت کے شہر وارانسی (2022-23)، قازقستان کے الماتی (2023-24)، چین کے چنگداؤ (2024-25) اور کرغزستان کے چولپون عطا (2025-26) کے بعد یہ اعزاز حاصل کرنے والا نیا شہر بن گیا ہے۔
Lahore has been named the Shanghai Cooperation Organisation’s Tourism and Cultural Capital for 2026-27, recognising the city’s rich cultural heritage and strengthening its role in promoting tourism and people-to-people ties across SCO member states.#Lahore #SCO #Tourism… pic.twitter.com/7nAIDxTzvk
— Pakistan TV (@PakTVGlobal) September 2, 2026
اس نامزدگی کا بنیادی مقصد رکن ممالک کے درمیان سیاحت کو فروغ دینا اور عوامی و ثقافتی تعلقات کو مضبوط بنانا ہے۔
لاہور جہاں تاریخ اور ثقافت ایک ساتھ سانس لیتے ہیں
لاہور اپنی صدیوں پرانی تاریخ، مغل فن تعمیر، فن و ادب، متحرک بازاروں اور ذائقہ دار کھانوں کی وجہ سے دنیا بھر میں جانا جاتا ہے۔
مزید پڑھیں: نواز شریف کا لاہور کے مختلف علاقوں کا دورہ، ترقیاتی کاموں اور تزئین و آرائش کا جائزہ
مغل اور نوآبادیاتی دور کی نشانیاں: شہر میں شاہی قلعہ، بادشاہی مسجد، شالامار باغ، مسجد وزیر خان، اور مینارِ پاکستان جیسے عظیم الشان تاریخی شاہکار موجود ہیں۔ شاہی قلعہ اور شالامار باغ سنہ 1981 سے یونیسکو کے عالمی ثقافتی ورثے کا حصہ ہیں۔
اندرون لاہور
روایتی بازاروں، حویلیوں، عجائب گھروں اور فوڈ اسٹریٹس پر مشتمل اندرونِ شہر یا والڈ سٹی لاہور کے تاریخی اور ثقافتی دل کی حیثیت رکھتا ہے۔
لاہور میں جہاں مغل، سکھ اور برطانوی دور حکومت کے تاریخی اثرات موجود ہیں، وہیں الحمرا، لاہور میوزیم اور تعلیمی ادارے اس شہر کو جدید دور میں بھی پنجابی ادب، موسیقی، تھیٹر اور فلم کا سب سے بڑا مرکز بناتے ہیں۔
یہ بھی پڑھیے: نیٹلی بیکر کا دورہ لاہور، پاک امریکا معاشی تعلقات اور مصنوعی ذہانت میں شراکت داری بڑھانے پر زور
اس عالمی اعزاز کے بعد ایس سی او کے تمام رکن ممالک کے ساتھ پاکستان کے سیاحتی، ثقافتی اور عوامی روابط کو مزید تقویت ملے گی۔
