وزیراعظم شہباز شریف کی ایم ڈی آئی ایم ایف سے ملاقات، قرض پروگرام مکمل کرنے کا عزم

وزیراعظم پاکستان شہباز شریف نے آئی ایم ایف کی مینیجنگ ڈائریکٹر کرسٹلینا جورجیوا سے پیرس میں لندن روانگی سے پہلے ملاقات کی ہے۔

وزیر اطلاعات مریم اورنگزیب نے بتایا ہے کہ وزیراعظم شہباز شریف اور ایم ڈی آئی ایم ایف کے درمیان پیرس میں 3 ملاقاتیں ہوئیں۔ شہباز شریف نے آئی ایم ایف کے ساتھ پروگرام کو مکمل کرنے کے پاکستان کے عزم کو دُہرایا۔

آئی ایم ایف سے قرض کے لیے ایک آخری کوشش کی جائے گی، اسحاق ڈار

دریں اثنا وزیر خزانہ اسحاق ڈار نے کہا ہے کہ وزیراعظم شہباز شریف کی پیرس میں ایم ڈی آئی ایم ایف سے 2 ملاقاتیں ہوئی ہیں اور فیصلہ کیا گیا ہے کہ دونوں اطراف سے ایک آخری کوشش کی جائے گی۔

وزیراعظم شہباز شریف کی پیرس میں ایم ڈی آئی ایم ایف سے دو ملاقاتیں ہوئیں اور فیصلہ کیا گیا کہ دونوں اطراف سے ایک آخری کوشش کی جائیگی۔ اس کیلئے پچھلے تین دن رات سے آئی ایم ایف سے مذاکرات ہورہے ہیں جس کے نتیجہ میں آئیندہ مالی سال کیلئے جن ٹیکس پر آمادگی ہوئی ہے اس میں غریب طبقہ پر… pic.twitter.com/5UaIyjDANQ

— Raza Butt 🎙️ (@SocialDigitally) June 24, 2023

وزیر خزانہ نے کہا کہ پچھلے 3 دنوں سے آئی ایم ایف سے مذاکرات ہورہے ہیں جس کے نتیجہ میں آئندہ مالی سال کے لیے جن ٹیکسز پر آمادگی ہوئی ہے اس میں غریب طبقہ پر کوئی ٹیکس نہ لگانے کا فیصلہ کیا ہے۔ سرکاری ملازمین اور پنشنرز پر بھی کوئی نئے ٹیکسز نہیں لگائے جائیں گے۔

واضح رہے کہ پاکستان کی طرف سے شرائط پوری کرنے کے باوجود عالمی مالیاتی فنڈ (آئی ایم ایف) کی جانب سے قسط کا اجرا نہیں کیا جا رہا۔ اور اب اسحاق ڈار نے یہ بھی کہا ہے کہ اگر آئی ایم ایف سے معاہدہ ہو گیا تو بسم اللہ ورنہ گزارا تو ہو رہا ہے۔

اس سے قبل وزیراعظم بھی یہ کہہ چکے ہیں کہ آئی ایم ایف سے معاہدہ نہ ہوا تو ہم اس کے لیے بھی ہم تیار ہیں۔ پاکستانی قوم نے ماضی میں بھی ایسی صورت حال کا سامنا کیا اور اس میں سرخرو ہوئی تھی۔