دنیا بھر میں فلکیات کے شائقین اور آسمانی مناظر کے دلدادہ افراد نے 25 اور 26 اکتوبر 2026 کی درمیانی رات اس سال کے سب سے دلکش اور روشن ترین چاند یعنی ہنٹرز مون کے مسحور کن نظارے کا مشاہدہ کیا۔
یہ چاند اکتوبر کے مہینے میں طلوع ہونے والا کامل چاند ہے جو اپنے مخصوص زردی مائل سنہرے رنگ اور دیرپا روشنی کی وجہ سے دنیا بھر میں جانا جاتا ہے۔
یہ بھی پڑھیں: پاکستان سمیت دنیا کے مختلف ممالک میں سپر مون کا خوبصورت نظارہ
ارضیاتی ماہرین اور ماہرینِ فلکیات کے مطابق، سال 2026 کا یہ ‘ہنٹرز مون’ معمول کے عام کامل چاند کے مقابلے میں زیادہ روشن اور واضح نظر آیا، جس کا عروج 26 اکتوبر کو ہوا۔
اس خاص رات آسمان پر چاند کے بالکل قریب سیارہ زحل بھی چمکتا ہوا نظر آیا، جبکہ ‘پلیئیڈز’ کے نام سے معروف ستاروں کا جھرمٹ اور صبح کے وقت مریخ و مشتری کا ملاپ اس فلکیاتی نظارے کو مزید دلکش بناتا رہا۔
Full Hunter’s Moon tonight got the Halloween memo – it had a spoooky orange glow🌕 pic.twitter.com/t57jDyr1mq
— Zoe Mintz (@wx_zoe) October 26, 2026
‘ہنٹرز مون’ کی تاریخ صدیوں پرانی ہے، رواں سال کے آغاز میں آنے والے ‘ہارویسٹ مون’ کے فوراً بعد آنے والے اس چاند کو شمالی نصف کرہ کے باشندوں اور قدیم قبائل نے شکاری چاند یا ‘بلڈ مون’ کا نام دیا تھا۔
موسمِ خزاں میں کھیتوں سے فصلیں کٹ جانے کے بعد جانور کھلے میدانوں میں نکل آتے تھے، اور سورج غروب ہوتے ہی چاند کی تیز روشنی شکاریوں کو سردیوں کا راشن اور گوشت ذخیرہ کرنے کے لیے رات گئے تک شکار میں مدد فراہم کرتی تھی۔
مزید پڑھیں: ہنٹرز مون 2026 کب اور کیسے دیکھا جاسکے گا؟
نجوم اور معتقدات کے ماہرین کے مطابق، اس بار یہ ہنٹرز مون برجِ ثور میں وقوع پذیر ہوا ہے، ماہرین کا کہنا ہے کہ یہ چاند انسان کو اپنے ماضی کے فرسودہ رویوں، غیر ضروری اخراجات اور جذباتی بوجھ کو چھوڑ کر مالی و جذباتی استحکام کی طرف بڑھنے کی ترغیب دیتا ہے۔
دنیا کے مختلف خطوں میں اس چاند کے طلوع پر روایتی تقاریب اور فطرت کو خراجِ تحسین پیش کرنے کے احوال کا اہتمام بھی کیا گیا۔
