انسپکٹر جنرل پولیس خیبر پختونخوا معظم جاہ انصاری کو تبدیل کرتے ہوئے وفاقی حکومت نے اختر حیات کی بحیثیت نئے آئی جی پولیس تعیناتی کا نوٹیفکیشن جاری کردیا ہے۔
حکومت کی جانب سے اسٹیبلشمنٹ ڈویژن کو نئے آئی جی خیبر پختونخوا کیلئے محمد سعید خان، اختر حیات اور سہیل تاجک کے ناموں پر مشتمل سمری بھیجی گئی تھی۔
اسٹیبلشمنٹ ڈویژن کی جانب سے اختر حیات کو نیا آئی جی خیبر پختونخوا تعینات کرنے کا نوٹیفکیشن بھی جاری کر دیا گیا ہے۔
گزشتہ ماہ پشاور پولیس لائن کی مسجد میں ہونیوالے خود کش دھماکہ کے بعد وفاقی حکومت نے انسپکٹر جنرل پولیس خیبر پختونخوا کو تبدیل کرنے کا فیصلہ کرتے ہوئے اس ضمن میں اسٹیبلشمنٹ ڈویژن سے نام مانگے تھے۔
نئے آئی جی خیبرپختونخوا پولیس اختر حیات اس سے قبل ایف آئی اے میں بطور ایڈیشنل ڈپٹی ڈائریکٹر جنرل اپنی ذمہ داریاں ادا کررہے تھے۔
