فیفا ویمن ورلڈکپ جیتنے کے بعد اسپین کی کپتان اولگا کارمونا کو فتح کی خوشی کے موقع پر صدمے کی خبر ملی کہ ان کے والد کی وفات ہو چکی ہے، جس کی تصدیق کے بعد ان کی خوشی اداسی میں بدل گئی۔
ویمن ورلڈ کپ کے فائنل میچ کے پہلے ہاف میں اولگا کارمونا نے 29ویں منٹ میں انگلینڈ کے خلاف واحد گول کیا، جو اسپین کی فتح کا سبب بنا اور اسپین نے ایک صفر سے فائنل جیت کر پہلی مرتبہ ویمن ورلڈ کپ ٹائٹل اپنے نام کیا۔
The Royal Spanish Football Federation announced that Olga Carmona's father has died.
Carmona was the only goalscorer in Spain's first-ever Women's World Cup Final win.
For more ➡️ https://t.co/7qtv8etykM pic.twitter.com/qHjmgMoxIK
— ESPN FC (@ESPNFC) August 20, 2023
ورلڈ کپ میچ کے اختتام پر رائل اسپینش فٹبال فیڈریشن نے سماجی رابطہ ویب سائٹ پر پوسٹ شیئر کرتے ہوئے اولگا کارمونا کے والد کی وفات کی تصدیق کی اور لکھاکہ یہ خبر ورلڈ کپ فائنل کے بعد ملی، اولگا اور ان کی فیملی کے ساتھ گہرے افسوس کا اظہار کرتے ہیں۔
’اولگا تم نے تاریخ رقم کی ہے، تم ہمیشہ یاد رہو گی، ہماری تمام نیک تمنائیں تمہارے ساتھ ہیں۔‘
مزید پڑھیں
اسپینش میڈیا کے مطابق اسپینش کپتان اولگا کارمونا کے والد طویل عرصے سے علیل تھے اور جمعے کو ان کا انتقال ہوا تھا۔ اولگا کارمونا کی فیملی اور دوستوں نے کھیل پر فوکس برقرار رکھنے کی وجہ سے ان سے یہ خبر چھپانے کا فیصلہ کیا تھا۔
⚽️ The captain gives Spain the lead in the #FIFAWWC Final!
Can England find an equalizer?
— FIFA World Cup (@FIFAWorldCup) August 20, 2023
اولگا کارمونا کی والدہ اور بھائی گروپ مرحلے کا میچ دیکھنے نیوزی لینڈ گئے تھے، اور اولگا کے والد کی حالت تشویشناک ہونے پر ان کو واپس جانا پڑا تھا۔ تاہم ہفتے کے روز فائنل میچ میں اولگا کو اسپورٹ کرنے کے لیے ان کی فیملی آسٹریلیا پہنچی تھی۔
فیفا ویمن ورلڈ کپ فائنل کی تقریب کے دوران ایک اور واقعہ بھی پیش آیا جس پر صدر اسپینش فٹبال ایسوسی ایشن کو تنقید کا نشانہ بنایا جا رہا ہے۔ تاہم فیفا کی جانب سے ان پر سکروٹنی کمیٹی بھی قائم کر دی گئی ہے۔
Le bisou du président de la fédération espagnole, Luis Rubiales sur la bouche de Jennifer Hermoso🇪🇸❌.
Jennifer Hermoso : 🗣️ "Eh eh mais je n'ai pas aimé le geste, ça ne me plaît pas." pic.twitter.com/Ldo41TATrt
— Sport Passion Info (@SportsPassionI1) August 20, 2023
اسپینش فٹبال فیڈریشن کے صدر لوئس روبیالیس نے اسپین کی کھلاڑٰی جینیفر ہرموسو کو تقریب کے دوران قابل اعتراض بوسا دے دیا، جس پر جینیفر ہرموسو نے کہاکہ صدر لوئس روبیالیس کی یہ حرکت ان کو بالکل بھی پسند نہیں آئی۔
صدراسپینش فٹبال فیڈریشن لوئس کی یہ حرکت شائقین کو بھی پسند نہیں آئی اور سوشل میڈیا پر ان کو بہت زیادہ تنقید کا نشانہ بھی بنایا جا رہا ہے۔
واضح رہے جرمنی کے بعد اسپین واحد ملک ہے جس کے مرد اور خواتین دونوں ٹیموں نے فیفا ورلڈ کپ کا ٹائٹل جیت رکھا ہے۔
