تاریخ میں پہلی بار روس میں اسلامی بینکاری کا آغاز یکم ستمبر سے ہونے جا رہا ہے۔
روس یکم ستمبر کو 2سالہ پائلٹ پروگرام کے حصے کے طور پر پہلی بار اسلامی بینکاری کا آغاز کر رہا ہے۔ روس کا یہ پائلٹ پروگرام 4مسلم اکثریتی نیم خود مختار ریاستوں تاتارستان، باشکورتوستان، چیچنیا اور داغستان سے شروع ہو گا۔
روس میں مسلمانوں کی آبادی 25 ملین تک جا پہنچی ہے جن کے لیے روس میں اسلامی مالیاتی ادارے موجود ہیں، تاہم ابھی تک ان کے لیے کوئی اسلامی بینکاری کا نظام موجود نہیں تھا، اب روس میں اسلامی بینکاری کا آغاز ہونے جا رہا ہے۔
4 اگست کو روس کے صدر ولادی میر پوٹن نے ملک میں اسلامی بینکاری کے نظام کے ایک قانون پر دستخط کیے، اس قانون کی توثیق روس کی پارلیمنٹ سے بھی ہو گئی ہے جس کے باعث اب روس میں اسلامی بینکاری کا باقاعدہ آغاز ہونے جا رہا ہے۔
