پاکستان میں بجلی کے بھاری بلوں سے پریشان عوام جہاں ملک بھر میں سراپا احتجاج ہیں، وہیں ان کی نظریں آج بھی حکومت کی جانب سے ریلیف کی منتظر ہیں۔ اسی دوران سماجی رابطوں کی ویب سائٹ پر ایک خبر گردش کر رہی ہے جس کے مطابق انٹرنیشنل مانیٹری فنڈ (آئی ایم ایف) پاکستانیوں کو بجلی بلوں میں 15 ارب روپے کا ریلیف دینے پر راضی ہو گیا ہے۔
صحافی شہباز رانا نے سماجی رابطے کی ویب سائٹ ایکس پر پوسٹ کرتے ہوئےلکھا کہ آئی ایم ایف نے پاکستان کو 200 یونٹ تک استعمال کرنے والے صارفین کے بجلی کے بلوں کی ادائیگی میں 3ماہ کے لیے توسیع کرنے کی اجازت دے دی ہے۔ بدلے میں پاکستان کو جولائی سے گیس کی قیمتوں میں 50 فیصد تک اضافہ اور بجلی چوری کے خلاف کریک ڈاؤن کا اعلان کرنا ہوگا۔
IMF allows leeway on electric bill
The International Monetary Fund (IMF) has granted Pakistan permission to extend the payment of electricity bills for consumers using up to 200 units over three months. In exchange, Pakistan has to announce an increase in gas prices of up to…
— Shahbaz Rana (@81ShahbazRana) September 7, 2023
گیس کے بلوں میں اضافے کی شرط کے ساتھ ریلیف کی خبر سوشل میڈیا پر وائرل ہوئی تو صارفین نے تبصروں کا انبار لگا دیا ، کسی نے یہ ریلیف واپس لینے کا مطالبہ کرڈالا تو کسی نے سوال پوچھا کہ کیا اس کو ریلیف ہی کہتے ہیں؟ اسی حوالے سے صارف نادر ممتاز نے تبصرہ کرتے ہوئے لکھا کہ یہ اچھی خبر ہے یا بری؟
Does this classify as good news or bad news 😔 Not formally shared yet
— Nadir Mumtaz (@TheNadirMumtaz) September 7, 2023
بجلی کے بلوں میں ریلیف کے حوالےسے آئی ایم ایف کی اس شرط پر تبصرہ کرتے ہوئے ایک صارف نے طنزیہ انداز میں لکھا کہ ہم تو نماز بخشوانے چلے تھے یہ تو روزے ساتھ لے آئے۔
Namaz bakhshwanay chalay the ye tu rozay saath le aye.
— Abdur Rafay Zafar (@arafayzafar) September 7, 2023
آئی ایم ایف کی جانب سے آئے روز نئی شرائط لاگو کرنے کے مطالبے کو شدید تنقید کا نشانہ بناتے ہوئے صارف نے لکھا کیا ہم ایک آزاد ملک ہیں؟ لگتا ہے کہ آئی ایم ایف ایک نئی ایسٹ انڈیا کمپنی ہے لیکن ہمیں بچانے کے لیے کوئی گاندھی نہیں آئے گا۔
Is this a free country? Seems IMF is the new East India company. Just that there is no Subhash Bose or Gandhi to save Pakistan
— foodie657 (@foodie657) September 7, 2023
ایک اور صارف نے مزاحیہ انداز میں لکھا لینے کے دینے پڑ گئے ہیں۔
Lol lene k dene par gae😂 https://t.co/VzHyPei8w6
— Shayan (@ShayanKhurshid6) September 7, 2023
صحافی شہباز رانا نے اپنی خبر پر تبصرہ کرنے والوں کو جواب دیتے ہوئے لکھا ’لینا ہے تو لو ورنہ رہنے دو‘۔
Wo kehte hein na. Lena to lo warna rehne do 😁
— Shahbaz Rana (@81ShahbazRana) September 7, 2023
واضح رہے کہ اس حوالے سے وفاقی کابینہ مؤخر ادائیگیوں اور ریلیف کے لیے حتمی منظوری دے گی۔ واضح رہے کہ بجلی کے بلوں میں ریلیف صرف اگست کے بلوں کے لیے ہوگا۔
