سندھ کے علاقے سانگھڑ میں منشیات کا کاروبار کرنے والوں سمیت دیگر جرائم پیشہ عناصر کے خلاف کارروائیاں جاری ہیں۔
سانگھڑ پولیس نے کارروائی کرتے ہوئے گٹکے اور شراب کے کاروبار سے منسلک 8 افراد کو گرفتار کر لیا ہے، جبکہ ان کے قبضے سے 60 لیٹر دیسی شراب اور گٹکے کی بھاری مقدار بھی پکڑی گئی ہے۔
اس کے علاوہ شاہ پور چاکر پولیس نے چیکنگ کے دوران چوری کے شبے میں 3 موٹرسائیکلیں بھی تحویل میں لے لی ہیں۔
رپورٹس کے مطابق سی آئی اے پولیس سانگھڑ نے ملزم جاوید جویو کے قبضے سے 7700 گٹکے کی پڑیاں برآمد کی ہیں، اس کے علاوہ ملزم رحمت اللہ بروہی کو گرفتار کرتے ہوئے اس سے 20 لیٹر شراب برآمد کی گئی ہے۔
تھانہ بی سیکشن ٹنڈوآدم کی حدود میں پولیس نے ایک منشیات فروش شان خاصخیلی کو گرفتار کرکے 640 پڑیاں گٹکے کی برآمد کی ہیں۔
سٹی پولیس ٹنڈوآدم نے 3 الگ الگ کارروائیوں ملزمان ہری چند، واجد علی اور اظہر علی بلوچ کو گرفتار کرکے مجموعی طور پر 1205 پڑیاں گٹکے کی برآمد کی ہیں۔
ٹنڈوآدم اور جھول پولیس نے 2 الگ الگ کارروائیوں میں 40 لیٹر شراب برآمد کرکے ملزمان عنایت خاصخیلی اور دلدار مری کو گرفتار کیا ہے۔ تمام ملزمان کے خلاف متعلقہ دفعات کے تحت مقدمات درج کرلیے گئے ہیں۔
اس کے علاوہ شاہ پور چاکر پولیس نے چیکنگ کے دوران چوری کے شک میں 3 موٹر سائیکلوں کو تحویل میں لے لیا ہے۔
