چین میں جاری ایشین گیمز کے مینز باکسنگ ایونٹ میں پاکستانی باکسر ذوہیب رشید متحدہ عرب امارات کے سلطان النعیمی کو شکست دے کر کواٹر فائنل میں پہنچ گئے۔
تفصیلات کے مطابق ایشین گیمز باکسنگ مقابلوں میں پاکستانی باکسر ذوہیب رشید نے 51 کلوگرام کیٹیگری کے راؤنڈ آف 16 میں یو اے ای کے سلطان النعیمی کو شکست دی۔
پاکستانی باکسر نے اماراتی حریف کے خلاف بآسانی 0-5 سے مقابلہ جیتا۔ تمام میچ ریفریز نے ذوہیب رشید کو متفقہ طور پر فاتح قرار دیا۔
ایشین گیمز میں آج ہاکی کے ایونٹ میں پاکستان نے ازبکستان کو 18-02 سے شکست دے کر ایونٹ میں لگا تار تیسری کامیابی سمیٹ لی۔ پاکستان کی جانب سے ارباز احمد نے 5، افراز اور رانا عبد الوحید نے 3، 3 گول کئے، عمر بھٹہ، عبدالرحمن نے 2، 2 گول کیے، جبکہ رومان، محمد سفیان اور ارشد لیاقت نے ایک ایک گول کیا۔
اسکواش مینز ایونٹ میں پاکستانی ٹیم نے کویت کو 3-0 سے ہرا دیا۔ پاکستان ٹیم نے آخری گروپ میچ جیت کر سیمی فائنل میں جگہ بنانے میں کامیاب ہو گئی جس کے بعد پاکستانی ٹیم نے ایک میڈل کا حصول بھی یقینی بنا لیا ہے۔
مزید پڑھیں
اپنے میچ میں عاصم نے عبداللّٰہ المزائین کو 11-09، 09-07 اور 11-09 سے شکست دی جبکہ نور زمان نے مصری کھلاڑی عمار الطمیمی کو 11-07، 11-06، 06-11 اور 13-11 کو شکست دی۔ پاکستان کے ناصر اقبال نے فلاح محمد کو سنسنی خیز مقابلے میں 11-06، 11-08، 08-11، 09-11 اور0-11 سے شکست دی۔