بریانی کراچی کی اچھی ہے یا حیدرآباد کی؟ یہ وہ سوال ہے جو گزشتہ کئی روز سے سوشل میڈیا پر ٹرینڈ بنا ہوا ہے۔
کرکٹ ورلڈ کپ کے لیے پاکستان کرکٹ ٹیم کے بھارت پہنچتے ہی حیدرآبادی بریانی کا موازنہ کراچی کی بریانی سے شروع ہو گیا تھا اور اس میں کانٹے دار مقابلہ چل رہا ہے کہ آخر کون سی بریانی زیادہ اچھی ہے؟
پاکستان کرکٹ ٹیم کے سابق کپتان وسیم اکرم بھی اپنی رائے دیے بنا نہ رہ سکے، انہوں نے سماجی پلیٹ فارم ایکس پر ویڈیو شئیر کرتے بھارتی مداحوں سے کہا کہ ’میرے انڈین دوستو! ناراض مت ہونا، میں سچ بات کررہا ہوں کہ کراچی کی بریانی کا دنیا میں کوئی مقابلہ نہیں ہے۔‘
وسیم اکرم کا مزید کہنا تھا کہ ’حیدرآباد کی مشہور بریانی ڈرائی (خشک) ہے، اس کا ذائقہ پلاؤ جیسا ہے۔‘ جس پر شعیب ملک نے ہنستے ہوئے کہا کہ ’حیدرآبادی بریانی کا مصالحہ نیچے ہوتا ہے، آپ نے اوپر والے چاول کھائے ہوں گے‘۔
Karachi or Hyderabadi biryani ? @asportstvpk #briyani #justforfun #WorldCup2023 #ThePavilion pic.twitter.com/BL5r4t2zYs
— Wasim Akram (@wasimakramlive) October 6, 2023
کراچی اور حیدرآبادی بریانی کی بحث میں سوشل میڈیا صارفین نے بھی حصہ لیا اور اس پر دلچسپ تبصرے کیے۔
ایک صارف نے کراچی کی بریانی کو حیدرآبادی بریانی سے بہتر قرار دینے پر وسیم اکرم کا شکریہ ادا کرتے ہوئے کہا کہ اس بات پر کراچی ہمیشہ آپ کا مقروض رہے گا۔
Karachi will always remain indebted of you @wasimakramlive https://t.co/luM7ZCaKIP
— Musaf Hanif (@the_terrific_m) October 6, 2023
بھارتی صحافی نے وسیم اکرم کی ویڈیو پر تبصرہ کرتے ہوئے کہا کہ پاکستانی کھلاڑی کراچی سے زیادہ حیدرآبادی بریانی کو پسند کر رہے ہیں، اب بولنے سے کیا ہو گا آپ اس کو کوور کر رہے ہیں۔
Pakistani players liking Hyderabadi biryani more than Karachi. Ab bolne se kya hoga Wasim bhai? Cover kar rahe ho aap?
— Satya Prakash (@Satya_Prakash08) October 6, 2023
تجمل نامی ایک صارف نے وسیم اکرم کے کراچی بریانی کو بہترین قرار دینے پر کہا کہ اگلی بار دیگ میں چھلانگ مار دیں۔
"Next time daig ich chhaal maar deyan" 😭😭😭 https://t.co/5W7Pbphwgh
— تجمل (@ryanhowardfc) October 6, 2023
قمر ظہور کہتے ہیں کہ ’بریانی تو بریانی ہوتی ہے چاہے کہیں کی بھی ہو‘۔
Baryani to Barayni Hoti h chahyee Kahan ki bhi ho.
— Qamar Zahoor (@qamarzahor) October 6, 2023
ایک صارف نے اہلیان لاہور کو مخاطب کرتے ہوئے کہا کہ ’لاہوریو! سن لو، تم لوگوں کی بریانی کو کوئی منہ بھی نہیں لگاتا‘۔
https://Twitter.com/fas___m/status/1710181977247432770?s=20
واضح رہے کہ آئی سی سی نے بھی حال ہی میں ایک ویڈیو کلپ جاری کیا تھا جس میں پاکستانی کھلاڑیوں سے پوچھا گیا کہ کراچی کی بریانی اچھی ہے یا حیدرآباد کی اور وہ حیدر آباد کی بریانی کو کتنے نمبر دینا چاہیں گے؟
جس پر پاکستان کرکٹ ٹیم کے کپتان بابر اعظم نے حیدرآبادی بریانی کو 8 نمبر دیتے ہوئے کہا کہ یہ بریانی قدرے زیادہ سپائسی ہوتی ہے۔
قومی ٹیم کے فاسٹ بولر حسن علی کا کہنا تھا کہ موڈ پر منحصر ہے۔ اگر بریانی کھانے کا موڈ ہے تو 10 میں سے 10 جبکہ امام الحق نے حیدرآبادی بریانی کے بارے میں کہا ’اٹس فینٹاسٹک‘۔
اسپیڈ اسٹار حارث رؤف نے کہا’ ہم نے حیدرآبادی بریانی کا بہت سنا تھا اور آتے ہی سب سے پہلے یہی کھائی میں تو 10 میں سے 20 نمبر دوں گا‘۔