کینیڈا کے وزیر اعظم جسٹن ٹروڈو نے اپنے ایکس اکاؤنٹ پر ہندوؤں کی علامت سواستیکا پر تنقید کرتے ہوئے لکھا ہے کہ نفرت پھیلانے والے نشانات کو پارلیمنٹ کے قریب ظاہر کرنے کی اجازت نہیں ہے، جب ہم نفرت انگیز زبان اور تصویریں دیکھتے یا سنتے ہیں، تو ہمیں اس کی مذمت کرنا چاہیے۔‘
جسٹن ٹروڈو نے کہا ہے کہ ’پارلیمنٹ ہل پر کسی بھی فرد کے ذریعے سواستیکا کی نمائش ناقابل قبول ہے، کینیڈین کو پرامن طریقے سے جمع ہونے کا حق ہے لیکن ہم یہود دشمنی، اسلامو فوبیا یا کسی بھی قسم کی نفرت کو برداشت نہیں کر سکتے۔‘
When we see or hear hateful language and imagery, we must condemn it. The display of a swastika by an individual on Parliament Hill is unacceptable. Canadians have the right to assemble peacefully – but we cannot tolerate antisemitism, Islamophobia, or hate of any kind.
— Justin Trudeau (@JustinTrudeau) November 5, 2023
یہ پہلا موقع نہیں ہے کہ کینیڈا کے وزیر اعظم جسٹن ٹروڈو نے ہندوؤں کی سواتیکا پر تنقید کی ہو، اس سے قبل وہ سواتیکا کا موازنہ نازی علامت ‘ہیکنکریز’ سے کر چکے ہیں۔
جسٹن ٹروڈو کے بیان نے انڈیا کے ہندوؤں انتہا پسندوں کو آگ بگولہ کر دیا، ایک ہندو انتہاپسند ونود بسال نے جسٹن ٹروڈو کو جواب میں کہا ہے کہ ہندو نشان ‘سوستیکا’ کو نازی کی علامت ‘ہیکنکریز’ یا ہُکڈ کراس کے ساتھ ملانا بند کریں۔
’آپ کی زبان صاف ظاہر کرتی ہے کہ دہشت گردوں کے قریب آ کر یا ان کی حفاظت کر کے آپ ہندو فوبک اور انڈیا فوبک بننے کی طرف مائل ہیں جو کینیڈا جیسے ملک کے لیے اچھا نہیں ہے۔ یاد رکھیں! دہشت گردی زندہ نہیں رہ سکتی حتیٰ کہ اس کے بانی اور حامی بھی نہیں۔‘
Dear @JustinTrudeau ,
Please learn #Swastik before blindly spreading hate against it.
Stop equating the Hindu symbol “Swastika” with Nazi’s symbol “Hakenkreuz” or the Hooked Cross. Your language clearly shows that by coming closer to Terrorists or protecting them, you are… pic.twitter.com/TC3JsJSIIC— विनोद बंसल Vinod Bansal (@vinod_bansal) November 5, 2023
واضح رہے کہ خالصتان تحریک کے رہنما ہردیپ سنگھ نجر کے قتل میں بھارت کے ملوث ہونے کا انکشاف کینیڈا کی ایک انٹیلی جنس ایجنسی کے عہدیدار نے 21 ستمبر کو کینیڈا کی ایسوسی ایٹڈ پریس میں کیا تھا۔ کینیڈا کی پولیس اور انٹیلی جنس ایجنسیوں نے طویل تفتیش کے بعد یہ دعویٰ کیا ہے کہ مذکورہ قتل کینیڈا میں بھارتی انٹیلی جنس کے تعین کردہ اسٹیشن چیف کی نگرانی میں ہوا۔
کینیڈین وزیراعظم ٹروڈو نے گزشتہ روز کینیڈا کی پارلیمان میں کہا کہ ’کینیڈا کی سرزمین پر کسی کینیڈین شہری کے قتل میں کسی غیر ملکی حکومت کا ملوث ہونا ہماری خودمختاری کی ناقابل قبول خلاف ورزی ہے۔ یہ آزاد، کھلے اور جمہوری معاشروں کے بنیادی اصولوں کی خلاف ورزی ہے۔‘
واضح رہے کہ جسٹن ٹروڈو نے جی 20 سربراہی اجلاس میں شرکت کے بعد بھارت کے ساتھ تجارتی معاہدے پر پہلے سے جاری بات چیت کا عمل بھی معطل کر دیا تھا۔ کینیڈا کی وزیر تجارت میری این کے ترجمان نے تصدیق کی تھی کہ کینیڈا نے دو طرفہ تجارتی معاہدے پر بات چیت روک دی ہے۔
