شمالی وزیرستان کے ضلع میر علی میں سیکیورٹی فورسز اور دہشتگردوں کے درمیان فائرنگ کا تبادلہ ہوا ہے۔
پاک فوج کے شعبہ تعلقات عامہ (آئی ایس پی آر) کے مطابق پاک فوج نے دہشتگردوں کے ٹھکانے پر آپریشن کیا تو اس دوران فائرنگ کا تبادلہ ہو گیا جس کے نتیجے میں ایک دہشتگرد ہلاک ہوا۔
آئی ایس پی آر نے بتایا کہ فائرنگ کے تبادلے میں 2 سیکیورٹی اہلکار بہادری سے لڑتے ہوئے شہید ہو گئے۔
آئی ایس پی آر کے مطابق علاقے میں دہشتگردوں کے خاتمے کے لیے سرچ آپریشن جاری ہے۔
ترجمان نے کہا کہ سیکیورٹی فورسز دہشت گردی کی لعنت کو ختم کرنے کے لیے پرعزم ہیں، دہشتگردوں کی ایسی کارروائیاں ہمارے عزم کو مزید مضبوط کرتی ہیں۔
