متحدہ عرب امارات میں سیاحوں اور سوشل میڈیا انفلوئنسرز سمیت متعدد افراد کو ایرانی حملوں یا ان سے ہونے والے نقصان سے متعلق ڈیجیٹل مواد اپنے پاس رکھنے، شیئر کرنے یا اس پر تبصرہ کرنے کے الزام میں گرفتار کیا گیا ہے۔
ڈیٹینڈ ان دبئی نامی ایک تنظیم کے مطابق امارات میں اب تک 21 افراد کو گرفتار کیا جا چکا ہے۔
یہ بھی پڑھیں: متحدہ عرب امارات میں جعلی نوکری کے اشتہارات دینے والے 230 سوشل میڈیا اکاؤنٹس بند
تنظیم کی چیف ایگزیکٹو اور ڈیو پروسیس انٹرنیشنل کی سربراہ رادھا اسٹرلنگ کا کہنا ہے کہ بظاہر یہ الزامات کاغذوں میں سنگین دکھائی دیتے ہیں۔
’۔۔۔لیکن حقیقت میں مبینہ عمل اتنا معمولی بھی ہو سکتا ہے کہ کوئی شخص صرف ایسا ویڈیو شیئر کر دے یا اس پر تبصرہ کر دے جو پہلے ہی آن لائن گردش کر رہا ہو۔‘
#BREAKING 🇦🇪 Dubai is jailing people for posting videos of Iranian strikes.
A 60-year-old British tourist: arrested for filming missiles even after deleting the footage. 21 people charged total.
Up to 2 years in prison or a $77,000 fine.
Sharing, reposting, or even… https://t.co/O1qguil0FS pic.twitter.com/ByWyf1DJbR
— Prime (@nucleusprime) March 13, 2026
ان کے مطابق متحدہ عرب امارات کے سائبر کرائم قوانین کے تحت نہ صرف اصل مواد پوسٹ کرنے والے شخص کے خلاف مقدمہ بن سکتا ہے بلکہ اس ویڈیو کو دوبارہ شیئر کرنے، دوبارہ پوسٹ کرنے یا اس پر تبصرہ کرنے والوں کو بھی مجرم قرار دیا جا سکتا ہے۔
اسی طرح ایک ہی ویڈیو درجنوں افراد کے خلاف فوجداری مقدمات کا باعث بن سکتی ہے۔
مزید پڑھیں: متحدہ عرب امارات کا ایران پر ممکنہ امریکی حملے میں تعاون سے انکار
ان قوانین کے تحت سزا میں 2 سال تک قید، تقریباً 5 ہزار500 سے 55 ہزار ڈالر تک جرمانہ اور غیر ملکی شہریوں کی صورت میں ملک بدری بھی شامل ہو سکتی ہے۔
رادھا اسٹرلنگ کا کہنا ہے کہ غیر ملکیوں کو سمجھنا چاہیے کہ جو سوشل میڈیا سرگرمی دنیا کے دیگر ممالک میں معمول سمجھی جاتی ہے، وہ متحدہ عرب امارات میں گرفتاری کا باعث بن سکتی ہے۔
بعض حالات میں حقائق واضح ہونے سے پہلے ہی افراد کو قومی سلامتی کے مشتبہ ملزم کے طور پر دیکھا جا سکتا ہے۔
دریں اثنا 60 سالہ ایک برطانوی سیاح پر بھی سائبر کرائم قوانین کے تحت مقدمہ درج کیا گیا ہے، جس پر الزام ہے کہ اس نے شہر کے اوپر ایرانی میزائلوں کی ویڈیو بنائی۔
اس معاملے پر برطانوی وزارت خارجہ نے بتایا کہ وہ متحدہ عرب امارات میں ایک برطانوی شہری کی حراست کے بعد مقامی حکام سے رابطے میں ہیں۔
ادھر برطانیہ میں تعینات اماراتی سفیر نے برطانوی ریڈیو اسٹیشن کو بتایا کہ متحدہ عرب امارات ایک محفوظ ملک ہے اور وہاں موجود قواعد و ضوابط لوگوں کی حفاظت کو یقینی بنانے کے لیے بنائے گئے ہیں۔ ان کے مطابق ویڈیو بنانے والے افراد پر گرنے والا ملبہ بھی خطرہ بن سکتا ہے۔
مزید پڑھیں: متحدہ عرب امارات نے غزہ ’بورڈ آف پیس‘ میں شمولیت کی دعوت قبول کرلی
رادھا اسٹرلنگ نے مزید کہا کہ ایران کے ساتھ جنگ شروع ہونے کے بعد قطر میں بھی اسی نوعیت کے قوانین کے تحت 200 سے زائد افراد کے خلاف مقدمات درج کیے جا چکے ہیں۔
دوسری جانب متحدہ عرب امارات کی وزارت دفاع نے سوشل میڈیا پلیٹ فارم ایکس پر جاری بیان میں کہا کہ ایران پر امریکی اور اسرائیلی حملوں کے بعد سے مبینہ طور پر ایران کی جانب اب تک 1,800 ڈرونز اور میزائل امارات کی طرف فائر کیے جا چکے ہیں۔
حکام کے مطابق امارات، پاکستان، نیپال اور بنگلہ دیش سے تعلق رکھنے والے 6 افراد ہلاک جبکہ 141 افراد معمولی سے درمیانی نوعیت کے زخمی ہوئے ہیں۔
