پاکستان کرکٹ بورڈ (پی سی بی) نے قومی ٹیم کے سابق فاسٹ بولر وہاب ریاض کو قومی ٹیم کا چیف سلیکٹر مقرر کر دیا ہے۔
پی سی بی نے اکھاڑ پچھاڑ کرتے ہوئے کوچنگ اسٹاف کی ذمہ داریاں تبدیل کی ہیں، اس کے علاوہ محمد حفیظ کو ٹیم ڈائریکٹر بنا دیا گیا ہے۔
Wahab Riaz opens up about his appointment as chief selector and outlines his priorities in this role 🎙️🏏
More details ➡️ https://t.co/3uhDwHUhIB pic.twitter.com/qfuv0Y9Bdm
— Pakistan Cricket (@TheRealPCB) November 17, 2023
اس سے قبل پی سی بی نے ٹیسٹ اور ٹی ٹوئنٹی کے کپتانوں کا اعلان کرتے ہوئے شان مسعود کو ٹیسٹ اور شاہین شاہ آفریدی کو ٹی ٹوئنٹی کی ذمہ داریاں تفویض کی ہیں۔
مزید پڑھیں
واضح رہے کہ قومی کرکٹ ٹیم کے سابق چیف سلیکٹر انضمام الحق نے قومی ٹیم کے مشن ورلڈ کپ کے دوران ہی اپنے عہدے سے استعفیٰ دیدیا تھا۔
انضمام الحق نے موقف اختیار کیا تھا کہ لوگ بغیر تحقیق کے مختلف باتیں کرتے ہیں، مجھ پر سوال اٹھے تو استعفیٰ دینا بہتر سمجھا۔
انہوں نے کہاکہ میرا پلیئرز ایجنٹ کمپنی سے کسی قسم کا کوئی تعلق نہیں، پی سی بی انکوائری کرے میں دستیاب ہوں۔
انضمام الحق نے کہا تھا کہ مجھے فون پر بتایا گیا کہ 5 لوگوں کی انکوائری کمیٹی بنائی گئی ہے جس پر میں نے کہا کہ انکوائری تک میں عہدہ چھوڑ دیتا ہوں۔
انضمام الحق نے جونیئر سلیکشن کمیٹی کے سربراہ کے عہدے سے بھی استعفیٰ دے دیا تھا۔