میچ میں ٹاس بہت اہمیت کا حامل ہوتا ہے کسی بھی میچ سے قبل ٹیمیں اپنی حکمتِ عملی بناتی ہیں کہ وہ ٹاس جیت کر پہلے بولنگ کریں گی یا بیٹنگ کو ترجیح دیں گی۔ اس کا فیصلہ موسم کے حالات اور پِچ کو دیکھ کر بھی کیا جاتا ہے۔
آج کل انڈیا کی کرکٹ ٹیم کے ’ٹاس‘ جیتنے کا معاملہ بہت زور شور سے سرخیوں میں ہے۔
سابق قومی کرکٹر سکندر بخت کا ایک بیان سوشل میڈیا کی زینت بنا ہوا ہے جس میں وہ کہہ رہے ہیں کہ بھارتی کپتان روہت شرما ٹاس کے وقت سکہ بہت دور پھینکتے ہیں تاکہ مخالف کپتان کو نظر نہ آئے اور دوسرا کپتان کبھی بھی جا کر نہیں دیکھتا اور فیصلہ بھارت کے حق میں کر دیا جاتا ہے۔
پاکستان کے سابق باؤلر سکندر بخت نے اشارہ کیا کہ ہندوستانی کپتان روہت شرما ٹاس کے وقت سکہ بہت دور پھینکتے ہیں تاکہ مخالف کپتان کو نظر نہ آئے اور وہ فیصلہ ان کے حق میں کر دے#CWC23 #INDvsNZ pic.twitter.com/EilZsuywuC
— Urooj Arif (@UroojArifkhan) November 15, 2023
سکندر بخت نے سماجی رابطے کی سائیٹ ’ایکس‘ پر ویڈیو شیئر کی جس میں بھارت کے دیگر ٹیموں کے ساتھ ہونے والے ٹاس دکھائے گئے ہیں اور اس کے علاوہ ورلڈ کپ میں شریک دیگر ٹیموں کے ٹاس کو بھی دکھایا گیا ہے جن میں ٹاس کا سکہ بہت قریب گرتا ہے، انہوں نے تبصرہ کرتے ہوئے لکھا کہ روہت شرما کا ٹاس کے لیے سکہ پھینکنے کا طریقہ بہت ہی عجیب ہے، وہ سکہ بہت دور پھینکتے ہیں اور مخالف ٹیم کے کپتان کو دیکھنے نہیں دیتے، سکندر بخت نے سوال اٹھایا کہ کیا اس کی کوئی خاص وجہ ہے؟
Very strange the way Rohit Sharma throw the coin at toss, far away, don’t let other Captains to see, compare to other Captains in the WC , any reason?? @BCCI @TheRealPCB @CricketAus @CricketSouthAfrica #sikanderbakht #WorldCup23 #IndiaVsNewZealand @ImRo45 @ICC pic.twitter.com/KxhR2QyUZm
— Sikander Bakht (@Sikanderbakhts) November 15, 2023
واضح رہے کہ اس سے قبل ورلڈ کپ 2023ء کی میزبانی کرنے والے بھارت پر پاک بھارت سمیت کئی میچز میں پچ تبدیل کرنے کا الزام بھی ہے۔
برطانوی میڈیا رپورٹس میں بتایا گیا کہ بھارت نے اسپینرز کے لیے سازگار پچ کا انتخاب کیا تاکہ ان کے اسپینرز کو مدد مل سکے، ممبئی کے وانکھیڈے اسٹیڈیم میں سیمی فائنل کے لیے پچ نمبر 7 استعمال ہونا تھی جو پہلے استعمال نہیں ہوئی۔
آئی سی سی نے سیمی فائنل میں پچ کی تبدیلی پر بیان جاری کرتے ہوئے کہا کہ ورلڈ کپ طویل ایونٹ ہے اور پچ کی تبدیلی معمول کی بات ہے، ایونٹ میں پچ کی تبدیلی پہلے بھی کئی بار ہوچکی ہے۔
بیان میں مزید کہا گیا ہے کہ سیمی فائنل سے قبل پچ کی تبدیلی گراؤنڈ کیوریٹر، میزبان ملک کی سفارش پر کی گئی تھی، پچ کی تبدیلی آئی سی سی کے پچ کنسلٹنٹ کے علم میں تھی۔