چیئرمین پاکستان تحریک انصاف (پی ٹی آئی) عمران خان کے قریبی سمجھے جانے والے سابق وفاقی وزیر علی نواز اعوان نے استحکام پاکستان پارٹی (آئی پی پی) میں شمولیت اختیار کر لی ہے۔
علی نواز اعوان کچھ عرصہ سے روپوش تھے اور اچانک منظر عام پر آتے ہی استحکام پاکستان پارٹی کے سربراہ جہانگیر ترین اور صدر عبدالعلیم خان سے ملاقات کی ہے۔
استحکام پاکستان پارٹی کو ایک اور بڑی کامیابی.
سابق وفاقی وزیر علی نواز اعوان کی پیٹرن انچیف استحکام پاکستان پارٹی جہانگیر خان ترین اور صدر عبدالعلیم خان سے ملاقات اور استحکام پاکستان پارٹی میں شمولیت.
اس موقع پر ایڈیشنل سیکرٹری جنرل عون چوہدری اور سینئر رہنما نعمان لنگڑیال بھی… pic.twitter.com/0VfQ4f16M4— Istehkam-E-Pakistan Party (@istehkamPK) November 19, 2023
علی نواز اعوان کی استحکام پاکستان پارٹی کی قیادت سے ملاقات کے موقع پر آئی پی پی کے مرکزی رہنما عون چوہدری بھی موجود تھے۔
علی نواز اعوان نے ملاقات کے دوران جہانگیر ترین اور عبدالعلیم خان کو اپنے سیاسی فیصلے سے آگاہ کیا۔
جہانگیر ترین اور عبدالعلیم خان نے علی نواز اعوان کو استحکام پاکستان پارٹی (آئی پی پی) میں شمولیت پر خوش آمدید کہا۔
واضح رہے کہ علی نواز اعوان نے 2018 کے انتخابات میں اسلام آباد سے قومی اسمبلی کے حلقہ این اے 53 سے پی ٹی آئی کے ٹکٹ پر کامیابی حاصل کی تھی۔
علی نواز اعوان سابق وزیراعظم عمران خان کے معاون خصوصی بھی رہے۔
