جنوبی وزیرستان کے صدر مقام وانا میں ایک دھماکے میں طالبان مخالف مقامی امن لشکر کے سربراہ اور ان کے 2 کم سن بیٹوں سمیت 4 افراد جاں بحق ہوگئے۔
جنوبی وزیرستان پولیس کے مطابق یہ واقعہ وانا کے علاقے درہ غونڈے میں پیش آیا ہے۔ پولیس نے بتایا کہ اس واقعہ میں علاقہ کی بااثر شخصیت ملک اسلم نور سمیت 4 افراد جاں بحق اور ایک شخص زخمی ہوا۔ جاں بحق ہونے والوں میں ملک اسلم کے 2 بیٹے بھی شامل ہیں جن کی عمریں 7 سے 10 سال کے درمیان ہیں۔
پولیس نے مزید بتایا کہ واقعہ کی تحقیقات شروع کر دی گئی ہے جبکہ زخمی شخص کو ڈی ایچ کیو منتقل کردیا گیا ہے۔
واضح رہے کہ صدارتی ایوارڈ یافتہ ملک اسلم نوری جنوبی وزیرستان کے بااثر ملک تصویر کیے جاتے تھے جو علاقے میں امن و امان کے لیے کوشاں رہتے تھے۔
ملک اسلم مقامی امن لشکر کے سربراہ بھی تھے، یہ امن لشکر جنوبی وزیرستان میں غیرملکی دہشتگردوں کے خلاف کارروائیاں کرتا تھا۔