سینیٹر سیف اللہ ابڑو کو سینیٹ کی قائمہ کمیٹی برائے توانائی کی چیئرمین شپ سے ہٹادیا گیا۔
سیف اللہ ابڑو کے خلاف عدم اعتماد کی تحریک متفقہ طور پر منظور کی گئی
سینیٹرسیف اللہ ابڑو کے خلاف تحریک عدم اعتماد سینیٹرز بہرہ مند خان تنگی، منظور کاکڑ ،ثنا جمالی، حافظ عبدالکریم اور دلاور خان نے جمع کرائی تھی۔
قائمہ کمیٹی میں موجود اراکین نے متفقہ طور پر سینیٹر اعظم نذیر تارڑ کو سینیٹ کی قائمہ کمیٹی برائے توانائی کا چئیرمین منتخب کیا۔
قائمہ کمیٹی کا اجلاس ایڈیشنل سیکریٹری سینٹ حفیظ اللہ شیخ کی صدارت میں پارلیمنٹ ہاؤس میں ہوا۔
تحریک عدم اعتماد سنیٹ کے رولز کے تحت پیش کی گئی۔ اجلاس میں سینیٹرز اعظم نذیر تارڑ، سیف اللہ ابڑو، سیف اللہ خان نیازی، حاجی ہدایت اللہ ،منظور احمدکاکڑ، ثنا جمالی، دلاور خان ،حاجی ہدایت اللہ،محمد علی شاہ جموت اور فدا محمد شریک ہوئے۔
