شاہ رخ خان کی اہلیہ گوری خان کے خلاف جائیداد کی خرید و فروحت کے معاملہ میں ایف ائی آر درج کرائی گئی ہے۔
انڈیا ٹوڈے کی رپورٹ کے مطابق بالی وڈ کنگ خان شاہ رخ خان کی اہلیہ گوری خان کے خلاف جائیداد کی خریداری پر شکایت درج کرائی گئی ہے۔ یہ مقدمہ تعزیرات ہند کی دفعہ 409 کے تحت درج کیا گیا ہے۔
ممبئی کے ایک رہائشی جسونت شاہ نے الزام لگایا ہے کہ گوری خان جس کمپنی کی برانڈ ایمبیسیڈر ہیں وہ 86 لاکھ روپے وصول کرنے کے باوجود فلیٹ کا قبضہ دینے میں ناکام رہی ہے۔ یہ فلیٹ لکھنؤ کے سوشانت گالف سٹی میں تلسیانی گولڈ ویو میں واقع ہے۔
ایف آئی آر تلسیانی کنسٹرکشن اور ڈائریکٹر مہیش تلسیانی کے خلاف بھی درج کی گئی ہے۔ شکایت میں لکھا گیا کہ جسونت شاہ نے فلیٹ برانڈ ایمبیسیڈر گوری سے متاثر ہو کر خریدا۔
گوری کی اپنی کمپنی ہے جس کا نام ‘گوری خان ڈیزائنز’ ہے اور وہ بی ٹاؤن کے بہترین انٹیریئر ڈیزائنرز میں سے ایک ہیں۔
