پی ٹی آئی کے بلامقابلہ نو منتخب چیئرمین بیرسٹر گوہر خان نے کہا ہے کہ عمران خان کے جانشین کی حیثیت سے یہ ذمہ داریاں نباتا رہوں گا۔ سوموار کے دن پارٹی انتخابات کے نتائج الیکشن کمیشن میں جمع کروائیں گے۔ پی ٹی آئی کا کسی سے کوئی تصادم نہیں ہے۔
چیئرمین پی ٹی آئی بیرسٹر گوہر خان نے چیئرمین پی ٹی آئی منتخب ہونے کے بعد میڈیا سے گفتگومیں کہا کہ بلا مقابلہ انتخاب اس بات کا ثبوت ہے کہ فیصلہ عمران خان نے کرنا ہے۔ ہمارے خلاف 180 مقدمات بنائے گئے۔آج بھی آدھے سے زیادہ قیادت روپوش ہے۔
بیرسٹر گوہر خان کا کہنا تھا کہ چیف جسٹس صاحب گاڑیاں واپس نا کریں ہمیں انصاف دیں۔ ان کا کہنا تھا کہ سوموار کو میڈیا بریفنگ میں تفصیلی گفتگو کی جائے گی۔
