معروف فیشن ڈیزائنر ماریہ بی نے فلسطینی عوام کی حمایت میں پاکستانی شہریوں کو انٹرنیشنل برانڈز اور اسرائیلی مصنوعات کا بائیکاٹ کرنے کی اپیل کی ہے۔
پاکستانی فیشن ڈیزائنر نے اپنے ویڈیو پیغام میں کہا کہ ’جیسا کہ دنیا دیکھ رہی ہے، ہمارے بچوں کو غزہ میں ٹکڑے ٹکڑے کیا جا رہا ہے، ہم دنیا کے لوگ بے بس نہیں ہیں۔ ہم جو خریدتے ہیں اس پر ہمارا کنٹرول ہے، انٹرنیشنل برانڈز کا بائیکاٹ کر کے انہیں نقصان پہنچائیں۔‘
ماریہ بی نے کہا کہ ’امت مسلمہ کے ہمارے کٹھ پتلی رہنما ہمیں مایوس کر رہے ہیں، فلسطین میں ہمارے خاندانوں کو مایوس نہ ہونے دیں، اپنے بٹوے کے ساتھ لڑائی کا جواب دیں، مقامی برانڈ خریدیں، مقامی کاروبار کو سپورٹ کریں، زندگی بھر کے لیے بائیکاٹ فلسطین کے لیے لڑنے کا میرا طریقہ ہے۔‘
As the world watches our kids being blown to pieces in gaza 💔🇵🇸, I share my sentiments to fight back again. BOYCOTT for life!!! We the people of the world are not helpless. We have control over what we buy. MAKE them suffer… our puppet leaders of the muslim ummah are letting… pic.twitter.com/DzbzZFmcXI
— Maria.B: Woman=Adult Human Female (@RealMariaButt) December 3, 2023
انہوں نے کہا کہ ’ہم پاکستانیوں کا فرض بنتا ہے کہ اسرائیل کا بائیکاٹ کریں، ہم میکڈونلڈ کا بائیکاٹ کریں، پیپسی کا بائیکاٹ کریں، کے ایف سی کا بائیکاٹ کریں، جو ہماری فلسطینی بہن بھائیوں کی قتل و غارت میں شامل ہیں، ان سب کا بائیکاٹ کریں۔‘
ماریہ بی نے کہا کہ ’اسرائیلی غزہ میں ہمارے بچوں کا کھانا اور پینا ختم کر رہے ہیں، اسرائیل غزہ میں بچوں اور اسپتالوں پر بمباری کر رہا ہے، یہ نسل کشی ہے، ہم سب کی آنکھیں کھل چکی ہیں، اسرائیل کی بنی سب چیزیں پھینک دیں، ہم لوکل چیزیں خریدیں گے، ہم گورمے کولا خریدیں گے، ہم پاکولا خریدیں گے، ہم سارے اسرائیلی برانڈز کا بائیکاٹ کریں گے۔‘
ماریہ بی نے ایک حدیث مبارکہ کا حوالہ دیتے ہوئے کہا کہ ’رسولﷺ نے فرمایا ہے کہ ’میری امت ایک جسم کی طرح ہے، کہیں چوٹ لگے تو پورے جسم میں درد ہوتا ہے، ہمارے فلسطینی بھائی مسجد اقصی (قبلہ اول) کے رکھوالے ہیں، ہمارا فرض بنتا ہے کہ ہم ان کے لیے آواز اٹھائیں۔‘
BOYCOTT For life is my way of fighting for Palestine. 🍉🍉🍉 These monsters who are supporting the genocide of our children in Palestine will not get Rs1 from me .
Boycott is not a trend. Its my lifestyle now… join the revolution. ✌️✌️
Support Pakistani companies. Buy Local.… pic.twitter.com/T9Q5Ulc2NP— Maria.B: Woman=Adult Human Female (@RealMariaButt) December 1, 2023
فیشن ڈیزائنر ماریہ بی نے اس سے قبل سوشل میڈیا ایکس پر اپنے پیغام میں کہا کہ ’اگر آپ اپنے فلسطینی بہن بھائیوں کی مدد کرنا چاہتے ہیں تو انٹرنیشنل فاسٹ فوڈ برانڈ کا بائیکاٹ کریں، یہ برانڈ اسرائیل کی مدد کرتے ہیں تاکہ وہ فلسطینیوں کی نسل کشی کر سکے، میں نے پاکستانی برانڈ ٹرائی کیا جن کے برگر اتنے مزے کے تھے، یہ کوالٹی کے اعتبار سے بھی انٹرنیشنل برانڈ سے بہت بہتر ہے۔‘
انہوں نے پاکستانی شہریوں سے اپیل کی کہ وہ پاکستانی پراڈکٹس کو سپورٹ کریں، اس سے ہماری ملکی معیشت بھی بہتر ہوگی اور یہ کمپنیاں جو ہمارے دشمنوں کی مدد کرتی ہیں، ان کو بھی پتہ چلے گا۔
