خیبرپختونخوا کے قبائلی علاقے جنوبی وزیرستان میں سیکیورٹی فورسز اور دہشتگردوں کے درمیان فائرنگ کا تبادلہ ہوا ہے جس کے نتیجے میں ایک اہلکار شہید ہو گیا۔
پاک فوج کے شعبہ تعلقات عامہ (آئی ایس پی آر) کے مطابق سیکیورٹی فورسز نے خفیہ اطلاع پر جنوبی وزیرستان کے علاقے سراروغہ میں دہشتگردوں کے ٹھکانے پر آپریشن کیا تو اس دوران فائرنگ کا تبادلہ ہو گیا۔
آئی ایس پی آر کے مطابق دہشتگردوں کے ساتھ فائرنگ کے تبادلے میں سپاہی احمد علی نے جام شہادت نوش کیا۔
ترجمان نے بتایا کہ علاقے میں پائے جانے والے دہشتگردوں کے خاتمے کے لیے کلیئرنس آپریشن جاری ہے۔
آئی ایس پی آر کا کہنا تھا کہ سیکیورٹی فورسز ملک سے دہشتگردی کی لعنت کو ختم کرنے کے لیے پُرعزم ہیں۔ جوانوں کے قربانیاں ہمارے عزم کو مزید مضبوط کرتی ہیں۔
