بھارت سے دبئی جانے والی پرواز کی کراچی میں ہنگامی لینڈنگ، وجہ کیا بنی؟

بھارت سے دبئی جانے والی پرواز کی کراچی میں میڈیکل ایمرجنسی لینڈنگ ہوئی ہے۔

میڈیا رپورٹس کے مطابق اسپائس جیٹ ایئر کی پرواز ایس جی 15 نے رات ساڑھے 9 بجے کراچی میں لینڈنگ کی۔

احمد آباد سے دبئی جانے والے مسافر کو ہارٹ اٹیک کے باعث ایمرجنسی لینڈنگ کی درخواست کی گئی۔ ایئر ٹریفک کنٹرول کراچی نے انسانی ہمدردی کی بنیاد پر لینڈنگ کی اجازت دی۔

پاکستان سول ایوی ایشن کی میڈیکل ٹیم نے 27 سالہ مسافر کو طبی امداد دی جس کے بعد اس کی طبیعت سنبھل گئی۔

سی اے اے ترجمان نے بتایا ہے کہ 27 سالہ بھارتی مسافر کا شوگر لیول گرنے کی وجہ سے طبیعت خراب ہوئی۔ ہنگامی لینڈنگ کی اجازت دینے پر مسافر اور ایئر لائن انتظامیہ نے سول ایوی ایشن کی میڈیکل ٹیم کا شکریہ ادا کیا۔