قومی کرکٹ ٹیم کے فاسٹ بولر نسیم شاہ صحت یاب ہونے کے بعد ایک بار پھر بولنگ اور بیٹنگ پریکٹس کرنے کے لیے تیار ہو گئے ہیں۔
پاکستان کے فاسٹ بولر نسیم شاہ نے نیشنل کرکٹ اکیڈمی لاہور میں ری ہیبی لیٹیشن (بحالی) کے آخری مرحلے کا آغاز کر دیا ہے۔
مزید پڑھیں
فاسٹ بولر نسیم شاہ کی ری ہیبی لیٹیشن لاہور میں ایک اسٹرینتھ اینڈ کنڈیشننگ کوچ، ایک فزیو تھراپسٹ اور ایک ڈاکٹر کی نگرانی میں جاری ہے۔ فی الوقت وہ جم میں ہلکی ایکسرسائز اور جزوی بولنگ پریکٹس کررہے ہیں۔
تاہم کرکٹ کے مداحوں کے لیے(جو نسیم شاہ کو کھیل کے میدان میں دیکھنا چاہتے ہیں) اچھی خبر یہ ہے کہ نسیم شاہ کل سے بیٹنگ پریکٹس بھی شروع کریں گے۔
واضح رہے کہ قومی کرکٹ ٹیم کے 20سالہ فاسٹ بولر نسیم شاہ رواں سال ستمبر میں ایشیا کپ کے دوران زخمی ہوگئے تھے، ان کو علاج کے لیے برطانیہ بھیجا گیا تھا، برطانیہ میں ان کے کندھے کی سرجری ہوئی تھی، سرجری کے بعد وہ بحالی اور ابتدائی تربیت کے لیے 2 ماہ تک برطانیہ میں رہے تھے۔
پاکستان کرکٹ بورڈ نے ان کے میڈیکل کے تمام اخراجات برداشت کیے اور اس دوران ماہر میڈیکل اسٹاف نے مستقل نسیم شاہ کا خیال رکھا۔
