بالی وڈ بادشاہ، شاہ رخ خان کے لیے 2023 کا سال بہت خوش قسمت ثابت ہوا ہے کیونکہ اس سال ریلیز ہونے والی ان کی 2 فلمیں ’پٹھان‘ اور ’جوان‘ نے باکس آفس پر ریکارڈ قائم کیا ہے اور اب وہ اپنی اگلی فلم ’ڈنکی‘ کی ریلیز کی تیاری کر رہے ہیں جو 21 دسمبر کو ریلیز ہونی ہے۔
مزید پڑھیں
فلم کے ٹریلر میں ایک دلچسپ بات یہ ہے کہ شاہ رخ خان نے اسی ڈیزائن کی شرٹ پہنی ہوئی ہے جو انہوں نے 28 سال پہلے فلم ’دل والے دلہنیا لے جائیں گے‘ کے ایک گانے میں پہنی تھی۔ اس بات پر مداحوں نے اپنی خوشی کا بھی اظہار کیا اور حیرانی کا بھی۔
سوشل میڈیا پلیٹ فارم ایکس پر ایک صارف نے شاہ رخ خان سے اس کی وجہ پوچھی تو انہوں نے بتایا کہ گزشتہ 28 سالوں میں ان کی 11 سرجریز ہوچکی ہیں مگر وہ اس بات پر بہت خوشی محسوس کرتے ہیں کہ اتنے طویل عرصے بعد بھی وہ ماضی جیسے پُرجوش انداز میں پرفارم کرسکتے ہیں۔
انہوں نے مذاحیہ انداز میں کہا کہ انہیں خود یقین نہیں آتا کہ وہ آج بھی اسی سائز کی شرٹ میں فٹ آسکتے ہیں جو انہوں نے 1995 میں پہنی تھی۔
Life is a run I am so glad that even after 11 surgeries I can still srun the same and my same t shirt fits me just fine!! #Dunkitrailer https://t.co/GfuTV419rS
— Shah Rukh Khan (@iamsrk) December 6, 2023
کچھ صارفین نے یہ بھی جاننا چاہا کہ کیا فلم ڈنکی میں بھی کوئی رومانوی گانا ہے، جس پر اداکار نے جواب دیا کہ ایسا ہو ہی نہیں سکتا کہ ’میں فلم میں ہوں اور رومانس نہ ہو‘۔
اب سے کچھ ہی دنوں بعد ریلیز ہونے والی فلم ’ڈنکی‘ میں شاہ رخ خان کے ساتھ بھارتی اداکار وکی کوشل اور تپسی پنو بھی مرکزی کردار میں نظر آئیں گے۔ لیکن سوال یہ ہے کہ کیا کنگ خان اس سال تیسری ہٹ فلم دیکر بالی وڈ پر اپنا راج قائم رکھ سکیں گے، جس کا جواب فلم کی ریلیز کے بعد ہی ملے گا۔
