چیئرمین سینٹ محمد صادق سنجرانی نے کہا ہے کہ اسلامی تاریخ میں نجف کی بہت اہمیت ہے اسی لیے پاکستانی نجف کو اپنے لیے مقدس ترین مقامات میں سے ایک اہم سمجھتے ہیں اور اس قسم کے جذبات دونوں قوموں کے درمیان ثقافتی اور مذہبی رشتوں کو مزید مضبوط کرتے ہیں۔
سینیٹ سیکریٹریٹ کے مطابق ان خیالات کا اظہار انہوں نے عراق کی پارلیمنٹ کے رکن عبدالہادی الحسنوی سے ملاقات میں گفتگو کے دوران کیا۔ ملاقات میں دو طرفہ تعلقات کے حوالے سے امور بھی زیر بحث آئے۔
مزید پڑھیں
اس موقع پر گفتگو کرتے ہوئے عبدالہادی الحسنوی نے کہا کہ عراقی عوام پاکستان کو دوسرا گھر سمجھتے ہیں اور پاکستان کی شاندار کامیابیوں کے معترف ہیں۔
انہوں نے کہا کہ پاکستان مسلم دنیا کا واحد ایٹمی ملک ہے اور عراق کے عوام کے دل کے بہت قریب ہے۔
قبل ازیں عبدالہادی الحسنوی نے وفد کا پرتپاک استقبال کیا۔ سینیٹرز دلاور خان، فیصل سلیم رحمان اور محمد عبدالقادر بھی چئیرمین سینیٹ کے ہمراہ ہیں۔
