سعودی عرب کی کمپنی آرامکو کی جانب سے پاکستان میں بڑی سرمایہ کاری کی گئی ہے۔
آرامکو نے پاکستان کی گیس اینڈ آئل کمپنی ’جی او‘ کے 40 فیصد حصص خرید لیے ہیں۔
مشترکہ اعلامیہ کے مطابق معاہدے پر دستخط سعودی عرب کے شہر دہران میں کیے گئے۔
🔴 سعودی آرامکو کمپنی نے پاکستانی گیس اینڈ آئل کمپنی GO میں 40% حصص حاصل کر لیے
یہ حصول پاکستان کی ایندھن کی ریٹیل منڈیوں میں پہلا قدم ہے۔#پاک_سعودی_تعلقات pic.twitter.com/43AZV6dopy
— Dr. Naif Alotaibi (@Dr_Naif777) December 12, 2023
اعلامیہ میں کہا گیا ہے کہ گیس اینڈ آئل کمپنی ’جی او‘ پاکستان میں تیل اور لبریکنٹس کا کاروبار کرتی ہے۔
ویب سائیٹ اردو نیوز کے مطابق اس موقع پر آرامکو میں ریفائنری اور کیمیکل شعبے کے سربراہ محمد بن یحی القحطانی نے کہا ہے کہ ’جی او کے حصص خریدنے پر آرامکو نے ریٹیل مارکیٹ میں دوسرا بڑا اقدام کیا ہے‘۔
انہوں نے کہا ہے کہ ’جی او کے توسط سے آرامکو پاکستان کی ریٹیل مارکیٹ تک رسائی حاصل کرے گی جہاں اسے اپنی برانڈ متعارف کرانے کا موقع ملے گا‘۔
