اقوام متحدہ کی جنرل اسمبلی نے غزہ میں انسانی بنیادوں پر فوری جنگ بندی سے متعلق قرارداد کو بھاری اکثریت سے منظور کرلیا ہے۔
یہ نان بائینڈنگ قرارداد مصر نے ترکیہ سمیت 100 ممالک کے ساتھ ملکر پیش کی تھی۔ اقوام متحدہ کی جنرل اسمبلی کے 193 ارکان میں سے 153 ارکان نے اس قرارداد کے حق میں ووٹ دیا۔
امریکا ، اسرائیل اور آسٹریا سمیت 10 ممالک نے قرارداد کی مخالفت کی جبکہ برطانیہ، جرمنی، اٹلی اور یوکرین سمیت 23 ممالک نے ووٹنگ کے عمل میں حصہ نہیں لیا۔
خیال رہے کہ اقوام متحدہ کی جنرل اسمبلی میں یہ قرارداد جمعہ کو سیکیورٹی کونسل میں جنگ بندی سے متعلق متحدہ عرب امارات کی مجوزہ قرارداد کی ناکامی کے بعد منظور ہوئی ہے۔ متحدہ عرب امارات کی جانب سے سیکیورٹی کونسل میں پیش کی گئی جنگ بندی کی قرارداد پر 15 میں سے 13 ارکان نے حمایت میں ووٹ دیا تھا جب کہ برطانیہ غیر حاضر رہا۔
اس سے قبل امریکا نے رواں برس اکتوبر میں اقوام متحدہ کی سکیورٹی کونسل میں انسانی بنیادوں پر غزہ جنگ بندی کیلئے برازیل کی قرارداد کو بھی ویٹو کر دیا تھا۔
