آرادھیا بچن کا ’ماتھا‘ نظر آگیا، مداح خوشی سے نہال

بھارتی سپر اسٹار امتیابھ بچن کی پوتی اور اسٹارز ایشوریا رائے اور ابھیشیک بچن کی اکلوتی بیٹی آرادھیا بچن کی پہلی مرتبہ پیشانی دیکھ کر مداحوں کی پرانی خواہش پوری ہوگئی۔

بھارتی میڈیا رپورٹس کے مطابق امبانی انٹرنیشنل اسکول کی سالانہ تقریب کے دوران امیتابھ بچن کی پوتی نے زبردست پرفارمنس کا مظاہرہ کیا اور دیکھنے والوں کو تعریف کرنے پر مجبور کردیا۔ آرادھیا بچن کی پرفارمنس کی ویڈیو وائرل ہوتے ہی سوشل میڈیا پر چھا گئی۔ صارفین نے آرادھیا کو ایشوریا رائے کی ہو بہو کاپی قرار دے دیا۔

صارفین کی بڑی تعداد محض اس لیے بھی خوشی سے نہال تھی کہ انہوں نے پہلی بار آرادھیا کا ماتھا دیکھ لیا تھا۔ آرادھیا بچن نے اس سے قبل ہمیشہ ایسا ہیئر اسٹائل بنایا جس سے ان کی پیشانی چھپی رہتی تھی۔ بچن فیملی کے پرستاروں کی بہت بڑی خواہش تھی کہ وہ اپنی زندگی میں آرادھیا کا ماتھا دیکھ سکیں۔

یاد رہے کہ سوشل میڈیا پر گزشتہ چند ہفتوں سے سوشل میڈیا پر ایشوریا رائے اور ابھیشیک بچن کی علیحدگی کی افواہیں گرم تھیں جو آرادھیا کی پرفارمنس سے دم توڑ گئی ہیں۔