استحکام پاکستان پارٹی (آئی پی پی) کے صدر عبدالعلیم خان نے کہا ہے کہ اقتدار میں آکر امیروں سے ٹیکس لے کر غریبوں کو سہولیات فراہم کریں گے۔
لاہور میں کرسمس کے حوالے سے تقریب سے خطاب کرتے ہوئے عبدالعلیم خان نے کہاکہ یہ سلسلہ اب نہیں چلے گا کہ کروڑوں روپے کمانے والے ٹیکس سسٹم میں رجسٹرڈ ہی نہ ہوں۔
انہوں نے کہاکہ اس ملک میں غریب کے لیے کوئی پالیسی نہیں ہے، ہم اقتدار میں آکر عوام کے مسائل حل کریں گے، 300 یونٹ تک بجلی استعمال کرنے والوں کو کوئی بل نہیں آئے گا۔
مزید پڑھیں
عبدالعلیم خان نے کہاکہ عوام کی خدمت کا سیاست سے کوئی تعلق نہیں، عوام ہمیں منتخب کریں، موٹرسائیکل والوں کو آدھی قیمت پر پیٹرول ملے گا۔ اس کے علاوہ کچی آبادی کے مکینوں کو مالکانہ حقوق دیں گے۔
انہوں نے کہاکہ ہمیشہ سیاسی فائدے سے بالا ہو کر عوام کی خدمت کی، ہم تمام مساجد میں فلٹریشن پلانٹس لگائیں گے، اس کے علاوہ اسکولوں میں بھی فلٹریشن پلانٹس لگائے جائیں گے۔
