نیشنل ڈیٹا بیس اتھارٹی (نادرا) نے پی ٹی آئی رہنماؤں کے شناختی کارڈ بلاک کرنے کی تردید کر دی ہے۔
ترجمان نادرا نے اپنے ایک بیان میں کہا ہے کہ پی ٹی آئی رہنماؤں کے شناختی کارڈ بلاک کرنے کے حوالے سے چلنے والی خبر درست نہیں۔ افواہیں نہ پھیلائی جائیں۔
ترجمان نے کہاکہ شناختی کارڈ بلاک کرنے کا ایک قانونی طریقہ کار ہوتا ہے۔ ابھی تک ایسی کوئی کارروائی کی گئی نا ہی وزارت داخلہ نے ایسے کوئی احکامات جاری کیے ہیں۔
مزید پڑھیں
یاد رہے کہ میڈیا پر خبریں گردش کر رہی تھیں کہ 9 مئی کے واقعات میں ملوث پی ٹی آئی کے 18 رہنماؤں کے شناختی کارڈ بلاک کر دیے گئے ہیں۔
یہ بھی واضح رہے کہ اس سے قبل 13 دسمبر کو لاہور پولیس نے چیئرمین نادرا کو خط لکھتے ہوئے پی ٹی آئی کے 18 رہنماؤں کے شناختی کارڈ بلاک کرنے کی درخواست کی تھی۔
لاہور پولیس کی جانب سے جن 18 اشتہاری ملزمان کے شناختی کارڈ بلاک کرنے کی استدعا کی گئی ہے ان میں مراد سعید، اعظم سواتی ، حماد اظہر، اسلم اقبال، کرامت کھوکھر، علی امین گنڈاپور، واثق قیوم عباسی، مسرت جمشید چیمہ، جمشید چیمہ، زبیر نیازی، ملک ندیم عباس، غلام محی الدین دیوان ودیگر شامل ہیں۔
