رنبیر کپور بالی ووڈ کا ایک بڑا نام ہیں جن کی پاکستان میں بھی بڑی تعداد میں مداح ہیں۔ ان کی فلم ’اینیمل‘ پوری دنیا میں کروڑوں روپوں کی کمائی کر رہی ہے اور ہر کوئی اس فلم میں ان کے روپ اور کیریکٹر کو سراہ رہا ہے۔
بابر علی بھی پاکستانی انٹرٹینمنٹ انڈسٹری کا ایک بڑا نام ہیں۔ وہ ایک بڑے فلمسٹار تھے اور انہوں نے سینکڑوں ہٹ فلمیں دیں اورپھر ڈراموں کا رخ کرلیا۔ ان کے ڈرامے بھی ایک کے بعد ایک ہٹ ہورہے ہیں اور ان دنوں وہ’نمک حرام‘ میں جلوہ افروز ہو رہے ہیں۔
واسع چوہدری سے گفتگو کرتے ہوئے بابر علی نے فلم ’دی لیجنڈ آف مولا جٹ‘ میں اپنے کردار اور ’اینیمل‘ میں رنبیر کے کردار رنوجے سنگھ کے درمیان مماثلت کے بارے میں بات کی۔
بابر علی نے کہا کہ ’اینیمل‘ میں فائٹنگ سیکوینس میں رنبیر کا گیٹ اپ مولا جٹ کے گیٹ اپ جیسا لگتا ہے۔
انہوں نے کہا کہ انسپائریشن کہیں سے بھی لی جاسکتی ہے اور ہو سکتا ہے کہ ’اینیمل‘ میں بھی ایسا ہی ہوا ہو۔
