اسلام آباد ہائیکورٹ نے اٹارنی جنرل کی سپریم کورٹ مصروفیات کے باعث، بانی پی ٹی آئی کی سائفر کیس میں ان کیمرہ ٹرائل کیخلاف درخواست پر سماعت 28 دسمبر تک ملتوی کردی۔
اسلام آباد ہائیکورٹ میں سائفر کیس میں ان کیمرہ ٹرائل کے خلاف سابق چیئرمین پی ٹی آئی کی درخواست پر سماعت جسٹس میاں گل حسن اورنگزیب نے کی۔
مزید پڑھیں
ایڈیشنل اٹارنی جنرل منور اقبال دوگل عدالت کے سامنے پیش ہوئے۔ انہوں نے کہا کہ سائفر کیس میں سپریم کورٹ میں آج ضمانت لگی ہوئی ہے۔ ایف آئی اے والے سپریم کورٹ سے فری ہو کر یہاں پیش ہوں گے۔ عدالت 11 بجے تک کیس کی سماعت رکھ لے۔ جسٹس میاں گل حسن اورنگزیب نے کہا کہ ’میں چیمبر میں ہی ہوں پھر مجھے بتا دیجیے گا۔
بعدازاں اسلام آباد ہائیکورٹ نے اٹارنی جنرل کی سپریم کورٹ مصروفیات کے باعث، بانی پی ٹی آئی کی سائفر کیس میں ان کیمرہ ٹرائل کیخلاف درخواست پر سماعت ملتوی کر دی
اسلام آباد ہائیکورٹ کے جسٹس میاں گل حسن اورنگزیب نے 28 دسمبر تک کے لیے سماعت ملتوی کردی۔
