بھارتی فلم انڈسٹری کی کامیاب ترین فلم سیریز ہیرا پھیری 3 کی کاسٹ میں اداکار سنجے دت کو بھی شامل کرلیا گیا ہے۔
بھارتی میڈیا کے مطابق ہیرا پھیری 3 میں سنجے دت فلم کے مرکزی کرداروں اکشے کمار، سنیل شیٹی اور پریش راول کے ساتھ جلوہ گر ہوں گے۔
رپورٹس کے مطابق فلم کی عکس بندی کا آغاز بھارتی شہر ممبئی میں 21 فروری سے ہو گا جس میں سنجے دت بھی موجود ہوں گے۔
سنجے دت اس سے قبل ہیرا پھیری ے گزشتہ 2 سیکوئلز میں شامل نہیں تھے تاہم اس مرتبہ انہیں بھی شامل کرلیا گیا ہے۔
دلچسب بات یہ ہے کہ سنجے دت اس مرتبہ ایک نئے رول کے ساتھ فلم میں جلوہ گر ہوں گے اور گینگسٹر کا کردار کرنے والے اداکار روی کشن کے بھائی کے طور پر اداکاری کریں گے۔
سنجے دت کو فلم میں شامل کرنے کے لیے کئی ماہ پہلے سے ان سے ملاقاتوں کا سلسلہ شروع ہو چکا تھا۔
واضح رہے کہ فلم ہیرا پھیری پہلی مرتبہ سنہ 2000 میں ریلیز کی گئی تھی جس کی کامیابی کو دیکھتے ہوئے اس کا سیکوئل پھر ہیرا پھیری سنہ 2006 میں ریلیز کیا گیا۔ پہلے دونوں سیکوئلز میں اکشے کمار، پریش راول اور سنیل شیٹی نے نمایاں کردار ادا کیے تھے۔
سب کی خبر
